हडपसर प्रतिनिधी – पुणे महानगरपालिकेतील प्रभाग क्रमांक १७ रामटेकडी ,वैदवाडी ,शंकर मठ ,मगरपट्टा ,भोसले गार्डन , माळवाडी ,१५ नंबर येथे बदलाचे वारे नक्की वाहणार असून महाविकास आघाडीचे चारही उमेदवार भरघोस मतांनी निवडून येणार असल्याचे शिवसेनेचे आमदार सचिन आहिर यांनी सांगितले .प्रभाग क्रमांक १७ मधील महाविकास आघाडीचे उमेदवार प्रेम संतोष कसबे ,अंजुमन इम्तियाज मोमीन , स्वाती तुषार गोफने ,व समीर गोपीनाथ तुपे यांच्या प्रचाराचा शुभारंभ आमदार सचिन अहिर यांच्या हस्ते झाला.
यावेळी बोलताना सचिन आहेर यांनी सांगितले की पुणे महानगरपालिका सार्वत्रिक निवडणुकीत महाविकास आघाडीचा विजय निश्चित असून निर्धार विकासाचा संकल्प विजयाचा होणारच आहे .मतदारांनी मशाल चिन्हाचे बटन दाबून चारही उमेदवारांना बदल घडविण्यासाठी व प्रभागाचा विकास करण्यासाठी विजयी करा असे आवाहन करण्यात आले. यावेळी माजी आमदार मोहन जोशी , संजय मोरे , प्रशांत जगताप ,साईनाथ बाबर माऊली तुपे , प्रल्हाद तुपे ,अजित भितांडे व मतदार मोठ्या संख्येने उपस्थित होते . मतदारांनी दिलेल्या प्रतिसादा बद्दल चारही उमेदवार नतमस्तक झाले .
आपण सर्वानी दिलेला भरभरून प्रतिसाद पाहून मी खरोखरच खुप भावुक झालो आहे .तरीही आपले सर्वांचे मनापासून आभार व धन्यवाद असेच मतदानरूपी आर्शिवाद माझ्यावर असु द्या मी कायम आपला ऋणी राहीन असे समीर गोपीनाथ तुपे यांनी सांगितले .
समीर तुपे हे गेली अनेक वर्षे हडपसर परिसरात सामाजिक कार्य करत असुन करोनाच्या काळातील त्यांचे काम वाखाणण्याजोगे होते .करोनाच्या काळात सर्व जनजीवन ठप्प झाले होते तेव्हा अनेकांना खायला अन्न मिळत नव्हते समीर तुपे यांनी अनेकांना दररोज अन्नाची पाकीटे वाटप करून समाजा रुपी एक सेवा केली .त्यामुळे समीर तुपे हे लोकांच्या मनात राहिले असुन त्यांना व इतर तीन उमेदवारांना प्रभाग क्रमांक १७ भरभरून प्रतिसाद मिळत आहे .महिलांनी तर चारही जणांना ओवाळून त्यांच्या अंगावर फुलांचा वर्षाव केला .प्रभागात प्रचार करत असताना लोकांचे प्रेम व आपुलकी बघून प्रभागात बद्दल नक्की घडणार असल्याचे मतदारांनी सांगितले .
