़
गावाच्या विकासासाठी नाहीतर स्वतःच्या विकासासाठी गावपुढारी विविध पक्षांबरोबर
लोणी काळभोर प्रतिनिधी – शिरूर हवेली विधानसभा निवडणुकीत गाव पुढारी मतदारांना आपल्या पक्षाला मतदान करण्याची हाक देत असून मतदार राजा या गाव पुढार्यांना जुमानता नसल्याचे दिसून आले आहे. त्यामुळे गावपुढारी चांगलेच अडचणीत आले असुन नेत्यांना काय सांगावे याची चिंता यांना लागली आहे . २० तारखेला होणाऱ्या शिरूर हवेली विधानसभा निवडणुकीत गाव पुढारी मतदार राजाला मतासाठी आपल्याच पक्षाला मतदान करा असे सांगत असल्याची चर्चा पुर्व हवेलीतील अनेक गावात चालू असुन गावपुढाऱ्यांपासुन मतदार राजा अलिप्त असल्याचे दिसून येत आहे .शिरूर विधानसभा मतदारसंघांमध्ये राष्ट्रवादी काँग्रेस (शरद पवार)गटाचे उमेदवार अँड अशोक पवार तर राष्ट्रवादी काँग्रेस (अजित पवार) गटाचे उमेदवार माऊली कटके हे एकमेकांसमोर निवडणूकीत उभे आहेत दोघांच्या प्रचाराचा धडाका जोरात चालू होता . त्यातच गावपुढारी प्रचारात दिसून येत असुन गावकरी अर्थात मतदार राजा अजुन तरी अलिप्त आहे .
़
शिवसेना उद्धव बाळासाहेब ठाकरे एक गट तर शिवसेना शिंदे दुसरा गट तर राष्ट्रवादी काँग्रेसचे राष्ट्रवादी काँग्रेस शरद पवार एक गट तर अजित पवार दुसरा गट असे गट निर्माण झाले असून शिरुर विधानसभा निवडणुकीत राष्ट्रवादी काँग्रेसचे दोन्ही गट एकमेकांच्या विरोधात उभे आहेत.
भाजप, शिवसेना (शिंदे गट) आणि राष्ट्रवादी काँग्रेस (अजित पवार गट) हे पक्ष महायुतीत एकत्र निवडणूक लढत आहेत.
तर शिवसेना (ठाकरे गट), काँग्रेस आणि राष्ट्रवादी काँग्रेस (शरद पवार गट) हे पक्ष महाविकास आघाडीत एकत्र निवडणूक लढत आहेत. याविषयी अनेक गावकऱ्यांशी चर्चा केली असता नाव न छापण्याच्या अटीवर सांगितले की राज्यात शिवसेना व राष्ट्रवादी काँग्रेसचे दोन गट झाले आहे .यामध्ये गावागावातील पुढारी स्वतःच्या फायदयासाठी सोईचे राजकारण करत आहेत . कुठल्या पक्षात आपण गेलो की आपले स्थान बळकट कसे होईल व आपल्याला फायदा कसा होईल हे गावपुढारी बघत आहेत .त्यामुळे जनतेचा गावपुढाऱ्यांवरील विश्वास उडाला आहे .याबाबत अनेक गावकऱ्यांनी सांगितले की गावपुढारी सकाळी एका नेत्यांच्या बरोबर तर संध्याकाळी दुसऱ्या नेत्यांच्या बरोबर दिसत आहे .तसेच एका घरातील माणसे दोन्ही पक्षांमध्ये दिसत असुन यांच्यावर विश्वास कसा ठेवायचा अशी चर्चा पुर्व हवेलीत चालू आहे . गावपुढाऱ्यांची पक्ष निष्ठा संपली असुन हे गावाच्या विकासासाठी नाहीतर स्वतःच्या विकासासाठी विविध पक्षांबरोबर दिसुन येत असल्याची चर्चा सध्या नागरिकांमध्ये सुरू आहे . गाव पुढारी फक्त नेत्यांच्या बरोबर फिरून वेळ काढू पणाची भूमिका घेत आहेत . एकमेकांचे कट्टर शत्रू स्वतःच्या फायदयासाठी एकत्र आले असुन गाव गाड्यात मात्र गाव पुढारी वेगवेगळ्या भूमिकेत लवकरच पाहायला मिळणार आहेत . त्यामुळे मतदार राजा संभ्रमा अवस्थेत असून आपण गाव पुढाऱ्यांचे का ऐकायचे या विचारात मतदार राजा आहे .त्यामुळे मतदान करताना गाव पुढार्यांचे कुणीही ऐकणार नसल्याचे दिसून येत आहे पण हे गाव पुढारी नेत्यांच्या मर्जी खातीर आमच्याच पक्षातील उमेदवार मतदार राजाच्या बाबतीत कसा चांगला आहे हे मतदार राजाला पटवून देण्याचा प्रयत्न करत आहे स्थानिक गाव पुढाऱ्यांची संख्या फायद्यासाठी लक्षणीय वाढली असून मतदार राजांना खुश करण्यासाठी हे गाव पुढारी सक्रिय झाले आहेत मोठमोठ्या नेत्यांच्या सभा घेताना हे गाव पुढारी पैसे देऊन गर्दी जमवत असल्याची चर्चा हवेली तालुक्यात मतदारांमध्ये सुरू आहे .
मतदार राजा गाव पुढाऱ्यांचे न ऐकता संविधानाने दिलेल्या हक्काची अंमलबजावणी करून स्वतःच्या मर्जीने मतदान करणार असल्याची चर्चा पूर्व हवेलीत चालू आहे .
