लोणी काळभोर प्रतिनिधी – बारामती तालुका हा देशात नंबर एक बनवणारा असून पुणे शहर जरी विद्येचे माहेरघर असले तरी तालुक्याच्या दृष्टीने विद्येचा बारामती तालुका म्हणून ओळखला जाणार आहे. बारामती विधानसभा मतदारसंघात महायुतीचे (राष्ट्रवादी काँग्रेस अजितदादा पवार गटाचे )उमेदवार अजित पवार यांनी बारामती येथे सांगता सभेत सांगितले . २० तारखेला होणाऱ्या विधानसभा निवडणुकीत बारामती येथे सांगता सभेचे आयोजन करण्यात आले होते .यावेळी अजित दादांनी भविष्यातील विकासाच्या दृष्टीने बारामती तालुक्याचा कसा विकास करणार याबद्दल माहिती दिली .बारामतीत भविष्यात कॅन्सर हॉस्पिटलची उभारणी करणे ,फळ प्रक्रिया प्रकल्पाची उभारणी करणे ,रोजगार देणे इत्यादी मुद्दे अजित दादांनी सांगून बारामतीकरांनी प्रचंड बहुमताने निवडून देण्याचे आवाहन केले .
