लोणी काळभोर – M .S. R. D. C .A .अंतर्गत येणाऱ्या बहुप्रतिक्षित रिंगरोड हा पूर्व हवेली मधील आळंदी म्हातोबा गावच्या काही क्षेत्रामधून जात आहे.तरी या ठिकाणी ग्रामस्थांना जाण्यासाठी ॲक्सेस (एक्झिट रस्ता )द्यावा अशी विनंती ग्रामस्थानी आज पुरंदर हवेली आमदार विजय शिवतारे यांच्याकडे करण्यात आली.यावेळी आळंदी म्हातोबा येथील ज्येष्ठ नेते भगवान जवळकर, मा.तंटामुक्ती अध्यक्ष दत्तात्रय जवळकर, मा.चेअरमन माऊली जवळकर उपस्थित होते.
आळंदी म्हातोबा या ठिकाणी जर ॲक्सेस मिळाला तर आजुबाजूच्या अनेक गावांचा विकास या माध्यमातून होईल तसेच या ठिकाणी असणाऱ्या विविध कंपन्यांना त्याचा फायदा भविष्यात होऊ शकतो त्यामुळे या ठिकाणावरून ॲक्सेस मिळावा म्हणून ग्रामस्थ प्रयत्नशील असून शिरूर हवेली आमदार माऊली कटके,उपमुख्यमंत्री अजित पवार व मुख्यमंत्री देवेंद्र फडणवीस यांच्याकडे ग्रामस्थ पाठपुरावा करत आहेत.
