लोणी काळभोर प्रतिनीधी – देशी-विदेशी दारुची अवैद्य विक्री करणाऱ्या सराईत गुन्हेगारास दोन वर्षाकरिता लोणीकाळभोर पोलीसांनी तडीपार केले असल्याची माहिती लोणी काळभोर पोलीस स्टेशनचे वरिष्ठ पोलीस निरीक्षक प्रदीप पवार यांनी दिली .पुणे शहर पोलीस आयुक्त, अमितेश कुमार यांनी पुणे शहर पोलीस आयुक्तालयातील परिसरात कायदा व सुव्यवस्थेचा प्रश्न निर्माण होऊ नये, त्याचप्रमाणे पुणे शहरातील जनतेचे रक्षण व्हावे तसेच कोणत्याही प्रकारचा अनुचित प्रकार घडू नये याकरीता पुणे शहरातील गुन्हेगार टोळी, पोलीस अभिलेखावरील टोळीतील गुंड, शरीर व मालमत्ते विरुध्द गुन्हे करणारे व लोकांमध्ये दहशत करणारे सराईत गुन्हेगारांच्या हालचालीवर नजर ठेवुन त्यांच्या विरुध्द ठोस व परिणामकारक कारवाई करणे. तसेच अवैद्य धंद्यांचे समूळ उच्चाटन करुन अवैद्य व्यवसाय करणारे रेकॉर्डवरील गुन्हेगार यांच्यावर कायदेशीर कारवाई करणेबाबत आदेश देण्यात आलेले आहेत.
त्याप्रमाणे लोणीकाळभोर परिसरात देशी-विदेशी दारूची अवैध विक्री करून अवैध व्यवसाय करणारा सराईत आरोपी अक्षय वामन जाधव, वय २५ वर्षे, रा. नांदे पाटील वस्ती, सिद्राम मळा, लोणी काळभोर, ता. हवेली, जि. पुणे याच्याविरुद्ध तडीपारची कारवाई करण्यात आली आहे. सदर आरोपीविरुद्ध यापूर्वी देशी-विदेशी दारूची विक्री तसेच इतर अवैध कृत्यांबाबत एकूण ७ गुन्हे दाखल आहेत. वारंवार कारवाई करूनही त्याच्या वर्तनात सुधारणा होत नसल्याने तसेच त्याच्या अवैध कृत्यांमुळे परिसरातील लोक दारुचे व्यसनाचे आहारी जावून दारुमुळे कुटुंब उध्दवस्त होत असल्याने व त्यामुळे कायदा व सुव्यवस्थेचा प्रश्न निर्माण होण्याची शक्यता असल्याने त्यास दोन वर्षाच्या कालावधीसाठी पुणे पोलीस आयुक्तालय, पिंपरी चिंचवड पोलीस आयुक्तालय व पुणे जिल्हयाचे कार्यक्षेत्रातुन तडीपार करण्यात आलेले आहे. जर कोणीही इसम देशी-विदेशी दारूची अवैध विक्री, साठवणूक व वाहतूक करत असेल अशा अवैध व्यवसायांना प्रोत्साहन देणाऱ्या व्यक्तींविरुद्ध यापुढेही कठोर प्रतिबंधात्मक व कायदेशीर कारवाई करण्यात येणार आहे.
ही कार्यवाही अमितेश कुमार, पोलीस आयुक्त, पुणे शहर, संजय दराडे, पोलीस सह आयुक्त, पुणे शहर,मनोज पाटील, अपर पोलीस आयुक्त, पूर्व प्रादेशीक विभाग, पुणे शहर, जीवन बेनिवाल, पोलीस उपआयुक्त परि, ०६, पुणे शहर, श्रीमती अनुराधा उदमले, सहा. पोलीस आयुक्त, लोणी काळभोर विभाग, पुणे शहर यांच्या मार्गदर्शनाखाली वरिष्ठ पोलीस निरीक्षक प्रदिप पवार, पोलीस निरीक्षक (गुन्हे) नंदकुमार कोळी, सहाय्यक पोलीस निरीक्षक सतिश गोडसे , पोलीस अंमलदार विलास शिंदे, प्रशांत नरसाळे, स्वाती पिसाळ, वैजीनाथ शेलार, अमोल जाधव, गणेश शिंदे, आणा माने, सागर जगदाळे, निलेश कोल्हे, सुरज कुंभार, प्रविण दडस, राहुल कर्डीले, सचिन सोनवणे, सागर धायतोंडे, अशोक गिरी, अशोक खरात यांनी केली .
