मांजरी पोलीस ठाणे हद्दीतील इसमाला ठार मारण्याचा प्रयत्न करणाऱ्या आरोपींना हत्यारांसहीत ताब्यात घेवुन आवळल्या मुसक्या
लोणी काळभोर प्रतिनिधी – पोलीस आयुक्त पुणे शहर यांनी दिनांक १८/०४/२०२६ ते दिनांक २४/०४/२०२६ दरम्यान राबविलेल्या विशेष मोहिमेअंतर्गत लोणी काळभोर पोलीस स्टेशन हद्दीत राबविण्यात आलेल्या कारवाईदरम्यान लोणी काळभोर पोलीस स्टेशनकडील तपास पथकाचे अधिकारी, अंमलदार तसेच चौकी अधिकारी व लोणी बीट मार्शलचे अंमलदार हे हद्दीत पेट्रोलिंग करीत असताना तपास पथकाचे अधिकारी यांना खबर मिळाली की लोणी काळभोर टोल नाका परिसरात २ ते ३ इसम हे बेकायदेशीर रित्या धारदार हत्यार जवळ बाळगून फिरत आहे. याचे गांभीर्य लक्षात घेऊन तात्काळ लोणीकाळभोर पोलीस स्टेशनकडील तपास पथक अधिकारी, चौकी अधिकारी व अंमलदार तसेच लोणी स्टेशन बीट मार्शल यांनी तत्परता दाखवुन त्याठिकाणी जाऊन शोध मोहीम राबवून त्यामध्ये १) सुरेश बाबुराव गायकवाड वय १८ वर्षे पुर्ण रा. घोरपडेवस्ती लेन नंबर १ कदकवाकवस्ती ता. हवेली जि. पुणे, २) कुणाल राहुल चौगुले वय १८ पुर्ण रा. लेन नंबर ६, घोरपडेवस्ती, कदकवाकवस्ती ता. हवेली जि. पुणे व विधीसंघर्षित बालक १७ वर्षे लेन नंबर १०, घोरपडेवस्ती, कदकवाकवस्ती ता. हवेली जि. पुणे असे मोपेड मोटरसायकल व हत्यारानिशी मिळून आल्याने शिताफीने त्यांना ताब्यात घेऊन चौकशी केली असता त्यांनी द्राक्ष संशोधन केंन्द्र पुणे सोलापुर रोड येथे एका इसमास त्यांचेकडील धारदार हत्याराने वार करुन पळून जात असल्याचे सांगितले. त्या आधारे मांजरी पोलीस स्टेशन येथे अधिक माहीती घेतली असता सदर घटनेच्या अनुषंगाने जखमीइसम गणेश नवनाथ काबंळे यांच्या वर उपचार चालु असल्याबाबत व गुन्हा दाखल करण्याची प्रकिया चालु असल्याचे समजले. सदर इसमांनी बेकायदेशीर रित्या हत्यार जवळ बाळगल्याने सदर इसमांविरुध्द लोणी काळभोर पोलीस स्टेशन येथे गु.र.नं.१६७/२०२६ भारतीय हत्यार कायदा कलम ४(२५), व महाराष्ट्र पोलीस कायदा कलम ३७ (१) (३) सह १३५ भारतीय न्यायसंहीता कलम ३ (५) अन्वये गुन्हा दाखल करण्यात आला आहे.
नमुद आरोपींकडुन लोणी काळभोर पोलीसांनी धारदार हत्यारे व मोपेड दुचाकी वाहन जप्त करुन मांजरी पोलीस स्टेशन कडे दाखल झालेला गु.र.नं. २४/२०२६ भारतीय न्यायसंहीता कलम १०९ ११५ (३),३(५) आर्म अँ.४ (२५) म.पो.का.क.३७ (१) सह १३५ हा गुन्हा उघडकीस आणला आहे.
सदरची उत्कृष्ठ कामगिरी पोलीस उप आयुक्त, परिमंडळ ०६, डॉ. राजकुमार शिंदे व सहा. पोलीस आयुक्त हडपसर विभाग श्रीमती अनुराधा उदमले यांच्या मार्गदर्शनाखाली लोणी काळभोर पोलीस ठाणेचे वरिष्ठ पोलीस निरीक्षक, राजेंन्द्र पन्हाळे, पोलीस निरीक्षक गुन्हे श्रीमती स्मिता पाटील, तपास पथकाचे पोलीस उप निरीक्षक श्री दिगंबर सोनटक्के, पोलीस उप निरीक्षक प्रल्हाद जगताप, तपास पथकातील अंमलदार कर्डीले, पोलीस अंमलदार पुंडे तसेच पो.हवा चंद्रकांत माने, पो.हवा. सागर जगदाळे, तसेच लोणी बीट मार्शल चे पोलीस अंमलदार दिपक गायकवाड व निखील मेमाणे यांनी केली आहे.
