लोणी काळभोर येथील समस्या कधी दुर होणार
लोणी काळभोर प्रतिनिधी – लोणी काळभोर गावात लाईट आहे तर पाणी नाही, पाणी आहे तर लाईट नाही अशी सध्याची परिस्थिती असुन नागरिकांच्या मुलभूत गरजा भागविण्यासाठी ग्रामपंचायत व विदयुत मंडळ कमी पडत असल्याचे दिसून येत आहे .
तीन दिवसापूर्वी महात्मा फुले नगर येथील ट्रांसफार्मर (डीपी)जळाला तो दुरुस्ती करुन आणला व बसवला की पुन्हा जळाला मग महावितरणच्या अधिकाऱ्यांनी जास्त क्षमतेवाला काल म्हणजे मंगळवारी बसवला .त्याच संध्याकाळी लोणी गावठाणात लाईटची केबल ब्लास्टझाली .आज दिवसभर फॉल्ट हुडकून रस्ता ब्रेकर ने फोडून केबल जॉईन केली आणि लाईट चालू केले असता ओव्हरलोड ट्रान्सफॉर्मर जळाला . सिमेंटच्या रस्त्याच्या खालुन केबल आणल्यामुळे लागोपाठ दोन वर्षे झाले केबल ब्लास्ट होत आहे .मग सिमेंट रस्ता तयार करताना केबल बाजाराच्या कडेने का नेली नाही याचा विचार नागरिक करत आहे .महावितरणचे अधिकारी व कामगार ४० ते ४२ डिग्री मध्ये उन्हात उभे राहुन काम करत आहे . परंतु अधिकच्या लोड मुळे डीपी व केबलला प्रोब्लेम येत असुन ही केबल संपूर्ण पणे बाजाराच्या आतील बाजुकडुन टाकल्यास पुढील वर्षी केबल ब्लस्टची हँट्रीक होणार नाही .बत्ती गुल झाल्यामुळे लहान थोरांपर्यंत सगळ्यांची मोठी गैरसोय झाली आहे .डास तर जणु अंधाराचा फायदा आपल्याला मिळाल्यासारखे नागरिकांवर तुटून पडले आहेत .
त्यातच लोणी काळभोर गावातील पाणी पुरवठा पुर्णपणे विस्कळीत झाला असुन लागोपाठ दोन ते तीन वर्षे गाव दुष्काळाच्या छायेत आहे .पुण्यात व लोणीच्या परिसरातील गावात दररोज पाणी येते .परंतु नवीन मुठा कालवा वाहत असताना गावात तीव्र पाणी टंचाई आहे . कालवा उशाला आणि कोरड घशाला अशा अवस्थेतून लोणी काळभोर गावातील नागरिकांचा दिनक्रम चालू आहे .
दोन दिवसातून एकदाच पाणीपुरवठा होत असुन पाणी सोडणाऱ्याच्या मर्जी प्रमाणे कारभार चालू आहे .कुठे एक तास तर कुठे अर्धा तासाच्या आसपास पाणी सोडले जात आहे . आणि गावात फेरफटका मारला असता दररोज हजारो लिटर पाणी अनेक गल्ली बोलात घरापुढे ,दुकानापुढे मारले गेल्यामुळे हे ग्रामपंचायतीचे शुद्ध केलेले पाणी वाया जात आहे .याच्यावर कुणाचेही नियंत्रण नाही . कचऱ्याचा प्रश्न निर्माण झाला होता तो आता हळूहळू सुटत असल्याचे दिसून येत आहे परंतु नागरिकांच्या मुलभूत गरजा पाणी व लाईटची समस्या गेले दोन तीन वर्षांपासून काही सुटत नसल्याचे दिसुन येत आहे .
