चंदननगर पोलीसांची कामगिरी
लोणी काळभोर प्रतिनिधी – दिनेश उध्दवराव मुन वय-३९ वर्षे, दक्षिणमूखी गणेश मंदीराजवळ, गणेशनगर, येरवडा, पुणे यांची पत्नी पुनम दिनेश मुन हीचे अँड. संजय सावंत यांच्याशी प्रेमसंबध असल्याच्या संशयावरुन अँड. सावंत यांची -पत्त्नी स्वाती संजय सावंत, त्त्यांची मुलगी व अँड. संजय दत्तात्रय सावंत यांनी आपआपसात संगनमत करुन, कट रचुन दिनांक १६/०४/२०२६ रोजी दुपारी ०२:०० ते दिनांक १७/०४/२०२६ रोजी सकाळी ११:०० वा. दरम्यान अँड. संजय सावंत यांच्या ऑफीस जुना मुंढवा रोड, संदीप हॉटेल जवळ, चंदननगर, पुणे येथे पुनम मुन हिचे स्वाती सावंत व तिची मुलगी यांनी दोरीने पाय बांधुन, तिच्या डोक्यात, तोंडावर बॅटने व धारदार शस्त्राने मारुन तिचा खुन केला आहे .अशी तक्रार दिल्याने चंदननगर पोलीस स्टेशन गु. रजि. नं.१६१/२०२६, १०३ (१), ६१ (२), ३(५) सह अनुसुचित जाती व अनुसुचित जमाती अत्याचारास प्रतिबंधक (सुधारणा) अधिनियम २०१५ चे कलम ३ (२) (va) अन्वये गुन्हा दाखल करण्यात आला होता.
त्या गुन्ह्याच्या अनुषंगाने चंदननगर पोलीस स्टेशन कडील अधिकारी यांनी तांत्रिक दृष्ट्या तपास करुन दाखल गुन्ह्यातील आरोपी नामे अँड संजय सावंत व मुलगी यांना ताब्यात घेतले आहे. तसेच गुन्ह्यातील महिला आरोपी स्वाती सावंत हिला गुन्हे शाखा, खंडणी विभाग-२, पुणे शहर यांनी ताब्यात घेतले आहे. यातील आरोपी यांचेकडे गुन्ह्याबाबत कसुन तपास करता त्यांनी गुन्हा केल्याची कबुली दिलेली आहे. अशा रित्तीने खुनाच्या गुन्ह्यातील आरोपींना सहा तासाच्या आत जेरबंद करण्यात आलेले आहे. सदर गुन्ह्याचा तपास श्रीमती नुतन पवार सहाय्यक पोलीस आयुक्त, लोणीकंद विभाग खराडी विभाग, पुणे ह्या करीत आहेत.
सदरची कामगिरीअमितेश कुमार पोलीस आयुक्त, पुणे शहर, रंजन कुमार पोलीस सह आयुक्त पुणे शहर, मनोज पाटील अपर पोलीस आयुक्त, पूर्व प्रादेशिक विभाग, पुणे शहर, सोमय मुंडे पोलीस उप आयुक्त, परिमंडळ ७, पुणे शहर, श्रीमती प्रांजली सोनवणे सहा. पोलीस आयुक्त, खराडी विभाग, पुणे शहर, श्रीमती नुतन पवार सहा पोलीस आयुक्त, लोणीकंद विभाग, पुणे शहर, राजेंद्र मुळीक सहा पोलीस आयुक्त, गुन्हे शाखा-२, पुणे शहर यांच्या मार्गदर्शनाखाली निलेश बडाख, वरिष्ठ पोलीस निरीक्षक, चंदननगर पोलीस स्टेशन, पुणे शहर, चंदननगर पोलीस स्टेशन कडील अधिकारी व अंमलदार, तसेच राम राजमाने, पोलीस निरीक्षक, खंडणी विभाग-२, गुन्हे शाखा, पुणे त्यांचे कडील अधिकारी व अंमलदार यांनी केली आहे.
