थेऊर येथे गाठीभेटी दौऱ्यास उत्स्फूर्त प्रतिसाद
लोणी काळभोर प्रतिनिधी – थेरूर येथे आयोजित करण्यात आलेल्या गाव भेट दौऱ्यास ग्रामस्थांचा उत्स्फूर्त प्रतिसाद मिळाला. जिल्हा परिषद गट क्रमांक ४०च्या सौ. पल्लवी युवराज हिरामण काकडे तसेच पंचायत समिती गण क्रमांक ७९ चे कु. संग्राम मच्छिंद्रभाऊ कोतवाल यांच्या उपस्थितीत हा दौरा यशस्वीरीत्या पार पडला.
या दौऱ्यादरम्यान नागरिकांनी मोठ्या संख्येने उपस्थित राहून आपले प्रश्न, समस्या व अपेक्षा मांडल्या. रस्ते, पाणीपुरवठा, स्वच्छता, शिक्षण व इतर मूलभूत सुविधांबाबत सविस्तर चर्चा करण्यात आली. लोकप्रतिनिधींनी सर्व मुद्दे गांभीर्याने ऐकून घेत तातडीने पाठपुरावा करण्याचे आश्वासन दिले.
IMG_4871
ग्रामस्थांशी थेट संवाद साधण्याची ही संधी नागरिकांनी मनापासून स्वीकारली असून, या गाठीमेटी दौऱ्यामुळे लोकप्रतिनिधी व जनतेमधील नाते अधिक दृढ झाल्याची भावना व्यक्त करण्यात आली.
आरोग्यदूत युवराज काकडे तसेच कुंजीरवाडी ग्रामपंचायतीचे सदस्य संग्राम कोतवाल एकत्र आल्याने जिल्हा परिषद व पंचायत समितीच्या निवडणुकीला वेगळाच रंग चढलेला आहे.
