होम मिनिस्टर कार्यक्रमाला अभूतपूर्व प्रतिसाद
लोणी काळभोर प्रतिनिधी – प्रकाश शेठ सावंत प्रतिष्ठान व योगेश काकडे यांच्या संयुक्त विद्यमाने आयोजित करण्यात आलेल्या होम मिनिस्टर कार्यक्रमाला लाडक्या बहिणीनीअभूतपूर्व प्रतिसाद देत होम मिनिस्टर कार्यक्रम गाजवला .
या कार्यक्रमासाठी हजारो महिलांनी उत्स्फूर्तपणे आपली उपस्थिती लावली होती. कार्यक्रमाच्या ठिकाणी महिलांची संख्या अपेक्षेपेक्षा अधिक वाढल्याने कार्यालयीन परिसरात काही काळ गोंधळाची परिस्थिती निर्माण झाली. मात्र, आयोजकांनी त्वरित परिस्थितीवर नियंत्रण मिळवत पार्किंग परिसरात बसण्याची योग्य व्यवस्था केली.
या कार्यक्रमात सहभागी झालेल्या महिलांचा उत्साह आणि प्रतिसाद पाहता आळंदी म्हातोबा व कुंजीरवाडी परिसरातील महिलांचा पाठिंबा संबंधित उमेदवाराला मोठ्या प्रमाणात मिळण्याची शक्यता असल्याची चर्चा उपस्थित नेतेमंडळींमध्ये सुरू होती. महिलांच्या सक्रिय सहभागामुळे कार्यक्रमाला विशेष उंची प्राप्त झाली असून, आगामी राजकीय समीकरणांवर याचा सकारात्मक परिणाम होण्याची शक्यता व्यक्त करण्यात येत आहे.
