लोणी काळभोर – थेऊर परिसरात काही टवाळखोर व्यक्ती मागील काही दिवसापासून बुलेट दुचाकीचे सायलेन्सर बदलून मोठ्याने आवाज काढून फटाके फोडत असल्याची माहिती लोणी काळभोर पोलीस स्टेशनला प्राप्त झाली होती त्या आधारे या टवाळखोर बुलेट स्वरांचा बंदोबस्त करण्यासाठी लोणी काळभोर पोलीस ठाणेचे वरिष्ठ पोलीस निरीक्षक राजेंद्र पन्हाळे यांनी थेऊर चौकीतील प्रभारी अधिकारीपोलीस उपनिरीक्षक रत्नदीप बिराजदार यांना बुलेट स्वरांचा बंदोबस्त करण्याचा आदेश दिला . त्यानुसार पोलीस उपनिरीक्षक रत्नदीप बिराजदार यांनी पोलीस हवालदार चंद्रकांत माने , पोलीस शिपाई आडके ,पोलीस शिपाई ताम्हाणे , पोलीस शिपाई मयूर बोरावके यांना थेऊर परिसरातील कर्णकर्कश आवाज काढणाऱ्या दुचाकी गाड्यांचा शोध घेऊन कारवाई करण्यास सांगितले .त्यानुसार चंद्रकांत माने व त्यांच्या पथकाने थेऊर परिसरात गस्त घालत असताना आवाज करणाऱ्या दुचाकीचा शोध घेतला .थेऊर फाटा ते थेऊर ग्रामपंचायत दरम्यानच्या काळात चार बुलेट स्वार हे कर्णकर्कश आवाज काढत असल्याचे आढळून आले .त्यामुळे या चार बुलेट स्वरांवर त्यांच्या बुलेट ताब्यात घेऊन सायलेन्सर चेक केले असता ते कंपनीचे नसल्याने त्यांच्यावर वाहतूक विभागाच्या महिला पोलीस हवालदार सोफिया इनामदार यांच्यामार्फत कायदेशीर कारवाई करून सहा हजार रुपयांचा वाहतूक दंड वसूल केला . या गाड्यांचे मॉडिफाइड सायलेन्सर काढून त्यांना कंपनीचे सायलेन्सर बसविण्यात आले. ही कारवाई पोलीस उपआयुक्त परिमंडळ ०५ डॉ. राजकुमार शिंदे , सहाय्यक पोलीस आयुक्त हडपसर विभाग श्रीमती अनुराधा उदमले यांच्या मार्गदर्शनाखाली लोणी काळभोर पोलीस ठाण्याचे वरिष्ठ पोलीस निरीक्षक राजेंद्र पन्हाळे , पोलीस उपनिरीक्षक रत्नदीप बिराजदार ,हवालदार चंद्रकांत माने ,पोलीस शिपाई अडके , पोलीस शिपाई ताम्हाणे , पोलीस शिपाई मयूर बोरावके यांनी केली . या कारवाईमुळे लोणी काळभोर परिसरातील बुलेटचा आवाज काढणाऱ्या बुलेट चालकांवरचा वचक बसविण्यास पोलीस प्रशासनाला यश आले आहे .भविष्यात अशाच प्रकारच्या अत्यंत प्रभावी कारवाई करणार असुन असे आवाज काढणारे बुलेट स्वार आढळल्यास या गाड्यांचे नंबर लोणी काळभोर पोलीस स्टेशनला कळवावे .कळविणाऱ्याचे नाव गुप्त ठेवण्यात येईल. असे वरिष्ठ पोलीस निरीक्षक राजेंद्र पन्हाळे यांनी सांगितले .
