लोणी काळभोर प्रतिनिधी – एंजल हायस्कूलच्या माजी शिक्षिका , प्राचार्य सौ त्रिवेणी गोकुळ घाटे यांचे आज सकाळी हृदयविकाराच्या झटक्याने वयाच्या ५९व्या वर्षी दुःखद निधन झाले त्रिवेणी मॅडम यांनी २००१ते २०२१ पर्यंत वीस वर्षे एंजल हायस्कूलच्या शिक्षिका व प्राचार्य पदावर काम केले. एंजल हायस्कूलच्या जडणघडणीमध्ये त्यांचा मोलाचा वाटा आहे. एंजल हायस्कूलचे संस्थापक कै. ओम प्रकाश शर्मा व इराणी मॅडम यांच्या पाठबळावरती त्यांनी समर्थपणे शाळेची धुरा वीस वर्षे सांभाळली. पुर्व हवेली सारख्या ग्रामीण भागातील पालक व विद्यार्थ्यांची नस ओळखून त्यांनी अनेक वर्ष शिक्षक पालक व विद्यार्थी यांच्यामध्ये सुसंवाद ठेवला. अनेक कठीण प्रसंगाला त्यांनी धैर्याने व संयमाने तोंड दिले. एंजल हायस्कूल च्या वाढीमध्ये त्यांचे मोलाचे योगदान आहे. एंजल हायस्कूलच्या अनेक आजी-माजी विद्यार्थ्यांशी त्यांचे स्नेहाचे संबंध होते. त्यांच्या प्रेमळ स्वभावाने त्या सर्वांनाच हव्याहव्याशा वाटत असे.
त्यांच्या जाण्याने पुर्व हवेलीतील पालक व विद्यार्थी यांना खूप मोठे दुःख झाले आहे.
कदमवाकवस्ती येथील एंजल हायस्कूल मध्ये पुर्व हवेलीतील जवळपास सर्वच गावातून २००१ सालापासुन एंजल हायस्कूल मध्ये पालकांनी आपली मुले एंजल हायस्कूल शाळेत शिक्षणासाठी पाठवली होती .त्यावेळी त्रिवेणी घाटे या शिक्षिका असताना कडक शिस्त ठेवली होती . कणखर व शिस्तप्रिय विद्यार्थ्यांना घडविण्यात घाटे यांचा मोलाचा सहभाग आहे. त्यांच्या शिस्तप्रिय स्वभावामुळे अनेक विद्यार्थी उच्च शिक्षीत झाले असून काही विद्यार्थी परदेशात नोकरी करत आहेत .त्यांनी घडविलेल्या विद्यार्थ्यांमध्ये ,डॉक्टर ,वकील ,उच्च शिक्षित कामगार , प्रगतीशील शेतकरी व सर्व स्थरातील विद्यार्थी घडविण्यात त्यांचा मोलाचा सहभाग होता .परिसरातील विदयार्थांचे वडील कितीही मोठा मग तो पैशाने असो किंवा राजकारणाने मोठा असो घाटे मँडमच्या पुढे जाण्यास त्यांना भिती वाटत होती . त्यामुळे दरवेळी पालक मिटिंगला पुरुषांपेक्षा महिलांचा सहभाग जास्त असायचा आपल्या कडक शिस्तीमुळे महिलांमध्ये त्या प्रचंड लोकप्रिय होत्या .कारण कुठल्याही विद्यार्थ्यांला घरी अभ्यास कर असे सांगायची गरज विद्यार्थ्यांच्या आईवर आली नाही .
त्यांनी अनेक वर्ष शिक्षक पालक व विद्यार्थी यांच्यामध्ये सुसंवाद ठेवला. अनेक कठीण प्रसंगाला त्यांनी धैर्याने व संयमाने तोंड दिले. एंजल हायस्कूलच्या वाढीमध्ये त्यांचे मोलाचे योगदान आहे. एंजल हायस्कूलच्या अनेक आजी-माजी विद्यार्थ्यांशी त्यांचे स्नेहाचे संबंध होते. त्यांच्या कडक पण प्रेमळ स्वभावाने त्या सर्वांनाच हव्याहव्याशा वाटत असे.
मी त्यांना एंजल हायस्कूल माजी विद्यार्थी संघटनेच्या वतीने भावपूर्ण श्रद्धांजली वाहतो व त्यांच्या आत्म्यास चिरशांती लाभो अशी ईश्वरचरणी प्रार्थना करतो. ओम शांती
कमलेश दत्तात्रय काळभोर
अध्यक्ष माजी विद्यार्थी संघटना
एंजल हायस्कूल
