लोणी काळभोर प्रतिनिधी – लोणी कॉर्नर (लोणी काळभोर परिसरातील) येथे वाहतूक पोलिसांची नेमणूक करण्याची मागणी लोणी काळभोर सरपंच नागेश काळभोर यांनी पुणे वाहतूक शाखेकडे केली आहे . येथे वारंवार वाहतूक कोंडी आणि अपघात होत असुन .ग्रामसभेत वाहतूक पोलीस नेमणूक करण्याचा ठराव केला असुन तसा प्रस्ताव वाहतूक विभागाला पाठवला आहे .
लोणी येथे श्रीक्षेत्र रामदरा हे ठिकाण अतिशय प्रक्षेणीय असुन येथे भाविकांची दररोज वर्दळ असते .तसेच गावची लोकसंख्या८०,०००हजाराच्या पुढे झाली असुन येथे शिक्षणासाठी परिसरातील मुले शाळा व काँलेज साठी येत आहेत . लोणी कॉर्नर येथे सतत वाहतूक कोंडी होत आहे .
लोणी स्टेशन चौक आणि एमआयटी कॉर्नर परिसरात पुणे सोलापूर महामार्गावर गाडया पार्किंग केलेल्या असतात तसेच टँकरमुळे कोंडी वाढते. त्याचा ताण लोणी कॉर्नर वर येत असुन बेशिस्त वाहन चालकांमुळे येथे सतत वाहतूक कोंडी होत असल्याने वाहतूक पोलीस नेमण्याची गरज आहे.
