पुणे आवाजच्या पाठपुरावा यश
लोणी काळभोर प्रतिनिधी- उरुळी कांचन ग्रामपंचायतची विशेष ग्रामसभा आज गोंधळाच्या वातावरणात पार पडली .त्यामध्ये महाराष्ट्र शासन निर्णयाप्रमाणे मुख्यमंत्री समृद्ध पंचायतराज अभियाना अंतर्गत निवासी मालमत्ता धारक यांना घरपट्टी व अन्य कराची थकबाकी ५० टक्के सवलत देण्याचा ठराव पास करण्यात आला .पण हा ठराव पास करताना उरुळी कांचन ग्रामस्थांना ग्रामपंचायतीकडुन औट घटकेचा दिलासा मिळाला आहे .कारण या योजनेची मुदत फक्त दोन दिवस म्हणजे ३१ डिसेंबर २०२५ पर्यंतच आहे . जर शासनाने या योजनेला मुदतवाढ दिली तर ग्रामस्थांना भरपूर फायदा होईल नाहीतर दोन दिवसात पैसे भरताना ग्रामस्थांची दमछाक होणार आहे .
ग्रामपंचायतीने या योजनेला मागील ग्रामसभेत विरोध दर्शवला होता .त्यामुळे अनेक थकबाकीधारकांना या योजनेचा लाभ घेता येत नव्हता . त्यामुळे अनेक थकबाकीदार नाराज होते . शासनाच्या या योजनेचा फेरविचार करावा आणि थकबाकीदार व करदाते यांना योजनेचा फायदा मिळावा अशी लेखी मागणी रामदास तुपे ,संदीप कांचन व अनेक ग्रामस्थांनी यांनी अर्जा द्वारे केली होती . त्यामुळे आज विशेष ग्रामसभेचे आयोजन करण्यात आलेले होते .या विशेष ग्रामसभेस सर्व खातेदार व करदाते यांनी बहुसंख्येने उपस्थित राहून ५० टक्के सवलतीचा ठराव मंजूर करून घ्यावा असे असे आवाहन जिल्हा नियोजन समितीचे सदस्य अलंकार कांचन यांनी केले होते नाहीतर आंदोलनाचा करण्याचा इशारा दिला होता . या ग्रामसभेमध्ये हा ठराव मंजूर होणार का .? किंवा काही ठराविक लोकांच्या फायदयासाठी हा ठराव फेटाळणार का ?याची उत्सुकता उरुळी कांचन ग्रामस्थांना लागली होती .अखेर या योजनेचा ठराव ग्रामसभेमध्ये मंजूर झाला .आणि थकबाकी धारकांनी सुटकेचा श्वास सोडला .आणि ही सभा गोंधळाच्या वातावरणात पार पडली .
पुणे आवाजने या सभेसाठी बातमी लावली होती . जिल्हा नियोजन समितीचे सदस्य अलंकार कांचन यांनी पुणे आवाजच्या माध्यमातून त्याचा पाठपुरावा केला होता.
