ड्रिम्स युवा सोशल फाऊंडेशनच्या वर्धापन साजरा
लोणी काळभोर प्रतिनिधी – दिनांक ४ जानेवारी २०२६ रोजी बी. जी. शिर्के बाल विकास केंद्र, उरुळीकांचन येथे ड्रिम्स युवा सोशल फाऊंडेशनच्या ११ व्या वर्धापन दिनानिमित्त आयोजित महा रक्तदान शिबिराच्या उद्घाटनप्रसंगी बोलताना सुनील लिमये (सदस्य, पर्यावरण समिती, सर्वोच्च न्यायालय, भारत सरकार) यांनी “पर्यावरणपूरक उपक्रमांची जाणीवपूर्वक अंमलबजावणी ही आजच्या काळाची गरज आहे” असे प्रतिपादन केले.
या कार्यक्रमास महादेव मोहिते (उपवन संरक्षक, पुणे विभाग), प्रा. के. डी. कांचन (उपाध्यक्ष, महात्मा गांधी सर्वोदय संघ), तुषार माळी (मुख्य कार्यकारी अधिकारी, पंडित दीनदयाल उपाध्याय ग्रामीण युवक कौशल्य योजना, महाराष्ट्र राज्य), महादेव तुकाराम कांचन, राजाराम आबुराव कांचन, राजेंद्र तु. टिळेकर, संभाजी विठ्ठल कांचन व मनोहर आबुराव कांचन (विश्वस्त, महात्मा गांधी सर्वोदय संघ), मिलिंद तुळशिराम जगताप (सरपंच, ग्रामपंचायत उरुळीकांचन) संतोष ह. कांचन, महादेव न. कांचन, शांताराम चौधरी, कोंडीराम चौधरी, जे.बी. सराफ, सुनिल कांचन, सुनिल जगताप, सौ. जयश्री कांचन, सौ. संचिता कांचन, सौ. सीमा तुपे, युवराज कांचन, तुकाराम चौधरी, एकनाथ चौधरी, संतोष आ.कांचन, अलंकार कांचन, पोलीस पाटील विजय टिळेकर, ग्रामपंचायत सदस्य शंकर बडेकर , रामदास तुपे, सुभाष टिळेकर, भरत काळे यांच्यासह परिवहन विभागाचे मोटार निरिक्षक कलमबरकर, ग्रामपंचायत सदस्य, सामाजिक कार्यकर्ते, शिक्षक व नागरिक मोठ्या संख्येने उपस्थित होते.
या महा रक्तदान शिबिरात एकूण ९४५ रक्तदात्यांनी रक्तदान केले. ही विशेष उल्लेखनीय बाब ठरली. यामध्ये २५३ युवकांनी पहिल्यांदाच रक्तदान करून सामाजिक जबाबदारीचे भान दाखवले, तसेच ४१ महिलांनीही रक्तदानात सक्रिय सहभाग नोंदवला. तरुण व महिलांचा उत्स्फूर्त प्रतिसाद या उपक्रमाच्या यशाचे द्योतक ठरला.या शिबिरासाठी ससून ब्लड बँक, तर्पण ब्लड बँक, महा ब्लड बँक, आणि स्पंदन ब्लड बँक यांनी सहकार्य केले. रक्तसंकलनाची प्रक्रिया नियोजनबद्ध व सुरक्षित पद्धतीने पार पडली. याप्रसंगी बोलत असताना कलमबरकर यांनी उपस्थितांना रस्ते वाहतुक सुरक्षिततेबद्द्ल मार्गदर्शन केले आणि वाहतुक नियमांचे पालन करण्याबाबतची शपथ दिली. महादेव मोहिते यांनी आपल्या भाषणात सांगितले की, आगामी काळात वन विभागाकडून वृक्षलागवड व वृक्षसंवर्धन कार्यासाठी आवश्यक ते सर्व सहकार्य करण्यात येईल, तसेच शिंदवणे घाट परिसरात ऑक्सिजन पार्क उभारण्यासाठी वन विभाग सक्रिय भूमिका बजावेल.
अध्यक्षीय भाषणात प्रा. के. डी. कांचन यांनी ड्रिम्स युवा सोशल फाऊंडेशनच्या समाजोपयोगी कार्यातील सातत्याचे विशेष कौतुक केले. संस्थेच्या माध्यमातून युवकांमध्ये सामाजिक जाणीव निर्माण होत असून भविष्यातही स्थानिक संस्था, ग्रामपंचायत आणि नागरिकांचे पूर्ण सहकार्य व सक्रिय सहभाग राहील, असे त्यांनी सांगितले. कार्यक्रमाचे सूत्रसंचालन सुनील शेलार यांनी केले. प्रास्ताविक निलेश जाधव यांनी ड्रिम्स युवा सोशल फाऊंडेशनच्या ११ वर्षांच्या सामाजिक कार्याचा आढावा मांडला, तर आभार प्रदर्शन अथर्व कदम यांनी केले.हा महा रक्तदान शिबिर व वर्धापन दिनाचा कार्यक्रम समाजोपयोगी उपक्रम, पर्यावरण संवर्धन आणि मानवीय मूल्यांचे उत्कृष्ट उदाहरण ठरला, असे उपस्थित मान्यवरांनी नमूद केले.
