आव्हाळवाडी-थेऊर जिल्हा परिषद गटात कार्यकर्त्यांचा उत्स्फूर्त प्रतिसाद
लोणी काळभोर प्रतिनिधी – आव्हाळवाडी-थेऊर जिल्हा परिषद गटातून निवडणूक लढवण्यासाठी सज्ज असलेल्या सौ. कोमल संदेश आव्हाळे यांनी आपल्या कार्यशैलीने, नम्र स्वभावाने आणि लोकहिताच्या भूमिकेने अल्पावधीतच जनतेच्या मनात अढळ स्थान निर्माण करुन प्रचारात घेतली आघाडी असुन जिल्हा परिषद गटात कार्यकर्त्यांचा उत्स्फूर्त प्रतिसाद मिळत आहे .
त्यांच्या नेतृत्वावर असलेला विश्वास इतका दृढ आहे की, भर पावसातही कार्यकर्ते कोणत्याही अडथळ्याची पर्वा न करता रस्त्यावर उतरून प्रचार करत असल्याचे दिसुन येत आहे.
सौ. कोमल आव्हाळे या केवळ उमेदवार नसून, त्या सामान्य कुटुंबातून पुढे आलेल्या, कष्टकरी महिलांची प्रेरणास्थान आहेत. महिला सक्षमीकरण, शेतकरी हित, युवकांना रोजगाराच्या संधी, पायाभूत सुविधा व सामाजिक समता या मुद्यांवर त्यांनी नेहमीच ठाम भूमिका घेतली आहे. त्यांच्या या स्पष्ट व विकासाभिमुख दृष्टिकोनामुळे सर्वसामान्य नागरिकांमध्ये त्यांच्याविषयी प्रचंड आपुलकी निर्माण झाली आहे.पावसाने संपूर्ण परिसर ओलाचिंब झाला असतानाही, प्रचाराच्या वेळी कार्यकर्त्यांच्या चेहऱ्यावर थकवा नव्हता, तर “आपली उमेदवार म्हणजे आपली जबाबदारी” ही भावना स्पष्ट दिसून येत होती. घरोघरी भेटी, संवाद, मतदारांशी थेट चर्चा करत सौ. कोमल आव्हाळे यांनी “मी तुमच्यापैकीच एक आहे” हा विश्वास पुन्हा एकदा दृढ केला.
आजच्या राजकारणात जिथे अनेक जण प्रचारापुरते मर्यादित राहतात, तिथे सौ. कोमल संदेश आव्हाळे या कामातून विश्वास निर्माण करणाऱ्या, शब्दांपेक्षा कृतीला महत्त्व देणाऱ्या नेतृत्वाच्या प्रतीक म्हणून पुढे येत आहेत. त्यामुळेच आव्हाळवाडी-थेऊर गटात त्यांच्या विजयाची चर्चा जोर धरू लागली असून, हा प्रचार केवळ निवडणूक मोहीम न राहता जनतेच्या अपेक्षा आणि परिवर्तनाच्या आशेचे परिवर्तन ठरत आहे .
