कोमल आव्हाळेंची उमेदवारी आमदार माऊली कटके यांनी आपल्या भाषणात केली जाहीर
लोणी काळभोर प्रतिनिधी – शिरूर हवेलीचे आमदार माऊली कटके यांनी आव्हाळवाडी गावात घेतलेल्या महत्त्वाच्या बैठकीत माजी सभापती नारायण आव्हाळे गट व संदेश आव्हाळे गट एकत्र आले असून, “एक गाव – एक उमेदवार” या भूमिकेवर शिक्कामोर्तब झाले आहे.
जिल्हा परिषद निवडणुकीच्या पार्श्वभूमीवर थेऊर–आव्हाळवाडी गट क्रमांक ४० मध्ये निर्णायक घडामोड घडली असून, आव्हाळवाडी गावाने फुटीर राजकारणाला ठाम नकार दिला आहे.
शिरूर हवेलीचे आमदार माऊली कटके यांनी गावात घेतलेल्या महत्त्वाच्या बैठकीत माजी सभापती नारायण आव्हाळे गट व संदेश आव्हाळे गट एकत्र आले असून, “एक गाव – एक उमेदवार” या भूमिकेवर शिक्कामोर्तब झाले आहे.
जिल्हा परिषद निवडणुकीत नेहमीच मतांचे विभाजन करून संधी साधणाऱ्यांना या निर्णयाने मोठा धक्का बसला आहे. आमदार माऊली कटके यांनी मध्यस्थी करत मतभेद संपवले आणि गावाच्या विकासासाठी एकजूट हाच एकमेव मार्ग असल्याचे ठामपणे मांडले.
या बैठकीस गावातील आजी व माजी ग्रामपंचायत पदाधिकारी, सहकारी संस्थांचे पदाधिकारी, विविध कार्यकारी मंडळांचे प्रतिनिधी, सामाजिक कार्यकर्ते, युवक व ज्येष्ठ नागरिक मोठ्या संख्येने उपस्थित होते. वेगवेगळ्या पदांवर कार्यरत असलेले सर्व घटक एका व्यासपीठावर आल्याने ही बैठक राजकीयदृष्ट्या अत्यंत महत्त्वाची ठरली आहे.
“एक गाव – एक उमेदवार” ही भूमिका केवळ घोषणा न राहता जिल्हा परिषद निवडणुकीतील गेमचेंजर ठरणार असल्याची चर्चा परिसरात सुरू आहे. आव्हाळवाडीने दिलेला हा संदेश म्हणजे फोडाफोडीच्या राजकारणाला खुले आव्हान असून, येत्या निवडणुकीत याचे पडसाद संपूर्ण गटात उमटण्याची शक्यता आहे.
जिल्हा परिषद उमेदवार कोमल संदेश आव्हाळे यांना गावाने एकमुखाने पाठिंबा दिल्याने उद्यापासून संपूर्ण गाव त्यांच्या प्रचारासाठी फिरणार आहे.
