नवपरिवर्तन फौंडेशनच्यावतीने गट व गणांच्या इच्छुक उमेदवारांचा मेळावा
लोणी काळभोर प्रतिनिधी -लोणी काळभोर – कदमवाकवस्ती जिल्हा परिषद व पंचायत समितीचे वातावरण आतापर्यंत शांत होते .परंतु निवडणुकीचे बिगुल वाजले आणि वातावरण एकदम तापले असुन विविध पक्ष मुलाखती घेण्यासाठी मेळावे घेत असून हवेली तालुक्यात त्याची जोरदार तय्यारी सुरु झाली आहे. त्या अनुषंगाने नवपरिवर्तन फौंडेशनच्यावतीने लोणी काळभोर कदमवाकवस्ती जिल्हा परिषद गट व दोन गणांच्या इच्छुक उमेदवारांचा मेळावा कदमवाकवस्ती येथील मनाली रिसॉर्ट या ठिकाणी नवपरिवर्तन फाउंडेशनच्या कोर कमिटी सदस्य समवेत रविवारी (दि. १८) पार पडला. या मेळाव्याचे अध्यक्षस्थान कदमवाकवस्ती ग्रामपंचायतीचे माजी सरपंच गणपतराव काळभोर यांनी भूषविले. लोणी काळभोर , कदमवाकवस्ती व वडकी या जिल्हा परिषद गटासाठी अनुसूचित जाती महिला असे आरक्षण असून लोणी काळभोर पंचायत समिती गणासाठी इतर मागासवर्गीय प्रवर्ग महिला व कदमवाकवस्ती पंचायत समिती गणासाठी अनुसूचित जाती आरक्षण जाहीर झाले आहे. या गटासाठी इच्छुक असलेल्या उमेदवारांच्या मेळाव्यात लोणी काळभोर कदमवाकवस्ती जिल्हा परिषद गटासाठी सोनम नामुगडे,पूनम गायकवाड,पूजा काळभोर यांनी नवपरिवर्तन पॅनल मधून उमेदवारीसाठी इच्छा व्यक्त केली. तर पंचायत समिती लोणी काळभोर वडकी गणासाठी उज्वला महेश फलटणकर,दिपाली घाडगे व कदमवाकवस्ती पंचायत समिती गणासाठी ज्ञानेश्वर नामुगडे,राकेश लोंढे,नकुल शिंदे,भगवान साळवे यांनी इच्छा व्यक्त केली. या मेळाव्यास उपस्थित नागरिकांनी यावेळी मत व्यक्त करताना जिल्हा परिषद व पंचायत समिती निवडणुकीत निवडून येणाऱ्या उमेदवाराने गटातील परिसरामध्ये पाणी, कचरा, रस्ते ही प्रमुख कामे व मागासवर्गीय नागरिकांची घरे नियमित करणे, कदमवाकवस्ती शिवरस्ता करणे अशी अनेक कामांची मागणी केली.
या मेळाव्यास अध्यक्ष गणपतराव काळभोर, माजी सरपंच चित्तरंजन काळभोर, गौरी गायकवाड, उपसरपंच नासिरखान पठाण, गुरुदेव जाधव,अशोक कदम, मुकुंद काळभोर, सूर्यनारायण काळभोर, माऊली काळभोर, प्रताप कदम, उदय काळभोर,कदमवाकवस्ती ग्रामपंचायत सदस्य, सदस्या, तंटामुक्ती अध्यक्ष अभिजित बडदे, नागरिक व इतर मान्यवर उपस्थित होते.
माजी सरपंच चित्तरंजन काळभोर यांनी सांगितले की सर्वांना विश्वासात घेऊन कोअर कमिटी उमेदवार निवडणार असुन उमेदवार तो विकासाला चालना देणारा असावा ,जनतेसाठी काम करणारा असावा ,गावांचे प्रश्न सोडविण्यास प्राधान्य दिले पाहिजे .
चौकट
१)सध्याचे राजकारण बघता पलटीचे राजकारण चालू असून या पक्षातून त्या पक्षात सतत पलटी करणारे उमेदवार आपणाला दिसतात .म्हणून निवडून आल्यानंतर पलटी न खाणारा उमेदवार निवडावा असे सामाजिक कार्यकर्ते गुरुदेव जाधव यांनी सांगितले
२)यावेळी गौरी सिद्धेश काळभोर यांनी सांगितले की उमेदवार देतांना समाजासाठी काम करणारा उमेदवार दयावा .शिक्षीत उमेदवारांना पसंती दयावी , एक चांगला उमेदवार दयावा .
