जय श्रीरामचा दिला नारा
लोणी काळभोर प्रतिनिधी – कोरेगाव मुळ- केसनंद जिल्हा परिषद व पंचायत समितीच्या निवडणूकीमध्ये भाजपचे जिल्हा परिषदेचे उमेदवार कविता विजय पायगुडे व पंचायत समितीचे उमेदवार सुरज चौधरी यांना नायगाव येथील तरुणांनी भरघोस पाठिंबा देत जय श्रीरामचा नारा देऊन तरूणांनी निवडणूक हाती घेतली.
अनेक वर्षाच्या प्रतीक्षेनंतर स्थानिक स्वराज्य संस्थेच्या निवडणुकीचा मार्ग मोकळा झाला असुन नगरपालिका , नगरपरिषद ,महानगरपालिका यांच्या निवडणुकीनंतर आता जिल्हा परिषद व पंचायत समितीच्या निवडणुका ५ फेब्रुवारीला होणार आहेत . त्यामुळे पूर्व हवेलीत भाजपने तगडे उमेदवार देऊन राष्ट्रवादी पुढे एक आव्हान उभे केले आहे. कोरेगाव मूळ – केसनंद जिल्हा परिषद व पंचायत समितीच्या निवडणुकीत सर्व मतदार भाजपच्या उमेदवारांना पाठिंबा देत असुन अनेक गावातील तरुण पुढे येत असून पाठिंबा वाढत आहे .तरूण जय श्रीरामचा नारा देत आहेत . त्यामुळे भाजपच्या तीनही उमेदवारांची विजया कडे वाटचाल होताना दिसत आहे .
