पक्षनिष्ठेला प्राधान्य देत पंचायत समिती निवडणुकीतून माघार; राष्ट्रवादीच्या उमेदवारांना जाहीर पाठिंबा
थेऊर – आव्हाळवाडी गटात व गणात उत्साहाचे वातावरण
लोणी काळभोर प्रतिनिधी – पंचायत समिती निवडणुकीच्या पार्श्वभूमीवर राजकीय वातावरण तापलेले असताना राष्ट्रवादी काँग्रेसचे निष्ठावंत कार्यकर्ते सचिन तुपे यांनी पक्षनिष्ठेचा आदर्श ठेवत महत्त्वपूर्ण निर्णय घेतला आहे. पंचायत समिती निवडणुकीत आपल्या मुलासाठी राष्ट्रवादीकडून उमेदवारीची इच्छा असतानाही, पक्षाच्या निर्णयाचा सन्मान राखत त्यांनी माघार घेतली असून पक्षाने दिलेल्या अधिकृत उमेदवारांना पूर्ण ताकदीने पाठिंबा जाहीर केला आहे.
“आपल्याला राष्ट्रवादीचाच प्रचार करायचा आहे” असे स्पष्ट शब्दांत सांगत सचिन तुपे यांनी व्यक्तीपेक्षा पक्ष मोठा, ही भूमिका पुन्हा एकदा अधोरेखित केली आहे. सध्याच्या राजकीय परिस्थितीत जिथे तिकीट न मिळाल्यास पक्षांतराचे प्रमाण वाढत आहे, तिथे सचिन तुपे यांची ही भूमिका राष्ट्रवादीसाठी दिलासादायक आणि प्रेरणादायी मानली जात आहे.
यामुळे राष्ट्रवादीचे जिल्हा परिषद व पंचायत समिती साठी अधिकृत असणाऱ्या उमेदवारांची बाजू बळकट झालेली आहे
