सोरतापवाडी प्रतिनिधी – सुभाष कड – जगद्गुरु संत तुकाराम महाराज पालखी सोहळ्यासाठी कुंजीरवाडी महावितरण सज्ज झाले असुन रविवार दिनांक १२/०७ /२०२६ रोजी कुंजीरवाडी येथे आगमन होणार आहे .त्यासाठी कुंजीरवाडी महावितरण शाखेकडुन आवश्यक तयारी पूर्ण करण्यात आली असल्याची माहिती कनिष्ठ अभियंता ए.बी आलदार यांनी दिली . पालखी मार्गावरील वीजवाहिन्या, रोहित्रे (ट्रान्सफॉर्मर), विद्युत खांब आणि इतर विद्युत यंत्रणांची तपासणी करण्यात आली असून संभाव्य बिघाड टाळण्यासाठी आवश्यक दुरुस्तीची कामे पूर्ण करण्यात आली आहेत.
विशेष प्राधान्य म्हणून महावितरने सोलापूर महामार्गावरील डीपीला गार्डनिगं करून घेतले. त्याचप्रमाणे डीपी वरती असणाऱ्या बॉक्सला झाकण बसविण्यात आले. सोलापूर महामार्गावर वरती विजेच्या तारांना स्पर्श करणारी झाडे तोडण्यात आली.
वारकऱ्यांना अखंड आणि सुरक्षित वीजपुरवठा मिळावा यासाठी महावितरणने विशेष पथके तैनात केली आहेत. आपत्कालीन परिस्थिती हाताळण्यासाठी अधिकारी व कर्मचारी २४ तास सज्ज ठेवण्यात आले असून नियंत्रण कक्षही कार्यरत आहेत. पालखी मार्गावरील प्रमुख ठिकाणी वीजपुरवठा सुरळीत राहण्यासाठी विशेष नियोजन करण्यात आले आहे.महावितरणने नागरिक आणि वारकऱ्यांना तुटलेल्या वीजतारा, विद्युत खांब किंवा इतर धोकादायक परिस्थिती दिसल्यास तत्काळ महावितरणला माहिती देण्याचे आवाहन करण्यात आले आहे .संत तुकाराम महाराज पालखी सोहळ्यातील वारकरी प्रत्येक भाविक भक्त सुरक्षित पंढरपूरच्या दिशेने जाण्यासाठी महावितरण विभागाची पूर्ण तयारी झाली असल्याचे कनिष्ठ अभियंता ए.बी आलदार यांनी यावेळी सांगितले.
पालखीच्या दिवशी बारा फाटा ते सोरतापवाडी वाडी फाटा या ठिकाणी ठराविक अंतरावर स्पेशल ड्यूटी चार्ट तयार करण्यात आला आहे. या कामामध्ये महावितरण विभागाचे कर्मचारी शरद वाघमारे, नाथा माकर, किरण मोहिते, रणजीत खळतकर, दीपक केंद्रे, सतीश चव्हाण, अमोल कोळेकर, विकास जाधव, निलेश भोंडवे इतर कर्मचारी कार्यरत आहेत.
