लोणी काळभोर – पुणे – सोलापूर महामार्गावर आज संध्याकाळी लोणी स्टेशन पासून एका रिक्षातून दोन प्रवासी बिनधास्तपणे धोकादायक प्रवास करत असल्याचे आढळून आले . त्यामध्ये रिक्षा चालकाने या दोन प्रवाशांना रिक्षाच्या मागील बाजूस असलेल्या लोखंडी पट्टीवर उभा केले होते . त्यानंतर रिक्षा लोणी कॉर्नर येथे थांबली . हा धोकादायक प्रवास कॅमेऱ्यामध्ये कैद झाला असून वाहतूक शाखेने प्रवाशांचा जीव टांगणीला लावणाऱ्या व अशा धोकादायक प्रवास करायला लावणाऱ्या रिक्षाचालकांवर कडक कारवाई करावी .अशी नागरिकांमधून मागणी होत आहे. पुणे सोलापूर महामार्गावर अनेक ठिकाणी असे धोकादायक प्रवास होत असून याला जबाबदार कोण ? जो धोकादायक प्रवास करतोय तो प्रवासी ? की पाच -दहा रुपयांसाठी रिक्षामध्ये बसवतात ते रिक्षा चालक ? प्रवाशांनी प्रवास करताना सुरक्षित प्रवास करावा असे सामाजिक कार्यकर्ते सुभाष कड यांनी सांगितले.
