महामार्गावर वाहतूक कोंडी
लोणी काळभोर – पुणे सोलापूर महामार्गावर द्राक्ष बाग चौकात एका काळ्याकाचा असलेल्या चार चाकी गाडीवाल्याने महामार्गावरच गाडी उभी करून दुचाकी चालकाला दमदाटी केली व धक्काबुक्की केली . काळया काचा असलेल्या चार चाकी गाडी ही सिग्नलची वाट न बघता महामार्गावर आली त्यामुळे दुचाकीस धक्का लागला. चारचाकी गाडीवाल्याने गाडी तशीच महामार्गावर थांबवुन गाडीतून उतरून दुचाकी चालकास धक्काबुक्की करत मारहाणीची भाषा केली. यावेळी महामार्ग पूर्णपणे थांबलेला दिसला.
काळया काचेकडे पोलिसांचे दुर्लक्ष
दिवसेंदिवस काळया काचा वापरण्याचे प्रमाण वाढले असून त्याकडे पोलिसांचे पूर्णपणे दुर्लक्ष झाल्याचे दिसत आहे. वाहन परिवहन कायद्याच्या नियमाला हे बसत नसले तरी संपूर्ण गाडीच्या काचांनां काळया काचा लावलेल्या पहावयास मिळतात . पण पोलीस मात्र याकडे का दुर्लक्ष करते याचे कोडे नागरिकांना पडले आहे पोलिसांनी कशाचीही पर्वा न करता काळा काचांवर कारवाई करावी अशी मागणी नागरिकांतून होत आहे.
काळ्याकाचे खाली दडंलय काय
काळया काचा लावल्या म्हणजे प्रेस्टीज येते .असा काळा काचा लावणारांचा समज झाला असून काळा काचेच्या आडून अनेक गुन्हे घडत आहेत .मग अशा काळया काचा लावणाऱ्यांवर पोलीस कारवाई का करत नाहीत अशी नागरिकांची विचारणा होत आहे .
