लोणी काळभोर प्रतिनिधी – अनेक वर्षांपासून ग्रामपंचायत लोणी काळभोर परिसराला पिण्याचे पाणी पुरवठा करणारी फिल्टर प्लांटची पाईपलाईन गळती विद्यमान सरपंच राहुल काळभोर यांच्यामुळे थांबल्याने लाखो लिटर वाया जाणारे पिण्याच्या फिल्टर पाण्याचे नुकसान थांबले असुन सरपंच राहुल काळभोर यांचे पुणे जिल्ह्यातुन कौतुकाचा वर्षाव होत आहे .
सिद्राम मळा नांदेपाटील वस्तीमध्ये असलेल्या फिल्टर प्लांटच्या पाईपलाईनमधून गेल्या अनेक वर्षांपासून पिण्याच्या पाण्याची मोठ्या प्रमाणात गळती होत होती. यामुळे पिण्याचे पाणी मोठ्या प्रमाणात वाया जात होते. स्थानिक ग्रामस्थांनी ही गोष्ट लोणी काळभोर ग्रामपंचायतीचे विद्यमान सरपंच राहुल काळभोर यांच्या निदर्शनास आणून दिल्याने त्यांनी त्वरित लक्ष देऊन पाण्याची गळतीचे काम करून घेतल्याने गळती थांबली आहे.सिद्राम मळा नांदेपाटील वस्तीमध्ये असलेल्या फिल्टर प्लांटमधून सर्व लोणी काळभोर परिसराला पिण्याच्या पाण्याचा पुरवठा केला जातो.त्याठिकाणी होणाऱ्या पाण्याच्या गळतीची समस्या स्थानिक ग्रामस्थ व कामगार यांनी लोणी काळभोर ग्रामपंचायतीस वेळोवेळी तक्रार करून त्यांना फक्त आश्वासनच भेटले असा आरोप ग्रामस्थांनी यावेळी बोलताना केला.पाण्याची ही अडचण स्थानिक ग्रामस्थांनी विद्यमान सरपंच राहुल काळभोर यांच्या कानावर घातल्याने त्यांनी घटनास्थळी भेट देऊन त्वरित कॉन्ट्रॅक्टरला बोलवून पाण्याच्या गळतीचे काम करून व्यवस्थित करून दिले. या कामामुळे लाखो लिटर वाया जाणारे पाणी थांबले असल्याने स्थानिक ग्रामस्थांनी सरपंच राहुल काळभोर, ग्रामपंचायत प्रसाशन व कामगारांचे आभार मानले.
कोट
गेल्या चार वर्षांपासून याठिकाणी फिल्टर प्लांट मधून पिण्याच्या पाण्याची मोठ्या प्रमाणात गळती संदर्भात माहिती प्राप्त झाल्यावर त्वरित संबंधित कान्ट्रॅक्टर यांस संपर्क करून काम पूर्ण करून घेतले. लोणी काळभोर परिसरात अशा काही अडचणी असल्यास नागरिकांनी त्वरित माझ्याशी किंवा ग्रामपंचायतमध्ये संपर्क करावा.
राहुल दत्तात्रय काळभोर
सरपंच लोणी काळभोर ग्रामपंचायत.
