घुडघ्याभर पाण्यात केला विदयुत प्रवाह सुरुळीत
लोणी काळभोर प्रतिनिधी – रविवार दिनांक १४-०९-२०२५ रोजी दुपारी पावसाने पुर्व हवेलीतील लोणी काळभोर ,कदमवाकवस्ती,कुंजीरवाडी सोरतापवाडी ,उरुळी कांचन , पेठ ,नायगाव , वळती शिंदवणे ,आळंदी म्हातोबाची थेऊर , टिळेकरवाडी इत्यादी भागात सुरुवात केली परंतु रात्री बारा वाजता नंतर ढगफुटी सदृश्य पावसाने जोरदार वरील सर्व भागाला जोडपले त्यातच सर्व भागातील सर्व भागातील वीजपुरवठा खंडित झाला. पावसाचा जोर एवढा होता की रस्त्यावरून पाणी वाहू लागले आणि विजेच्या कडकडाटात पहाटेपर्यंत पावसाचे प्रमाण कसलेही कमी झाले नाही. पाणी एवढे जास्त वाढले की लोणी काळभोर गावातील रस्ते बंद झाले होते .
त्यामुळे वायरमनला सुद्धा घराबाहेर पडता येत नव्हते तरीही सोमवार दिनांक १५-०९-२०२५ रोजी सकाळी सात वाजता टू व्हीलर वर काही वायरमन पाण्यातून मार्ग काढत पुढे पुढे निघाले.ग्राहकांनी फोन करून सांगितले की आमच्या घरात पाणी आले आहे मीटर पर्यंत पाणी आलेले आहे कृपया वीज पुरवठा चालू करू नका. त्यामुळे अशा परिस्थितीत कुठेही वीज चालू राहणार नाही याची काळजी घेण्यात आली. या पावसामुळे लोणी काळभोर परिसरात एमआयटी कॉर्नर, आयओसीएल कंपनी आणि कवडीपाट टोल नाका या परिसरात उच्च दाब वीज वाहिनीचे सुमारे सात ते आठ खांब पडलेले व वाकलेल्या स्थितीत दिसले .
लोणी काळभोर ग्रामपंचायत व कदमवाकवस्ती ग्रामपंचायत येथे एकूण २२००० ग्राहकांना वीज पुरवठा मिळू न शकल्याने महावितरण कंपनीचे आर्थिक नुकसान झाले आहे. त्यानंतर उप कार्यकारी अभियंता महेश धाडवे यांनी लोणी काळभोरचा पूर्ण आढावा घेऊन सहाय्यक अभियंता विक्रांत ओहोळ व त्यांचे शाखेचे कर्मचारी यांना वीजपुरवठा सुरक्षितपणे सुरू करण्याच्या सूचना दिल्या.
त्यासाठी अधिकृत कंत्राटदार यांना त्वरित उपस्थित राहण्याचे सांगण्यात आले. जसे जसे साचलेले पाणी कमी होऊ लागले तसें लोणी काळभोर शाखा कार्यालयाचे लाईनमन पी एस खरमाटे यांनी सर्व स्टाफ यांना सोबत घेऊन फुरसुंगी येथून येणारे दोन फिडर याची पाहणी करायला लावली व दोन गट केले. संभाजीनगर येथील वायरमन सिराज सय्यद आणि इंदिरानगर येथील वायरमन अबू सय्यद यांनी सुरुवातीचा भाग चालू केला. त्यानंतर रामदारा येथील वायरमन योगेश गिरी आणि लोणी गावातील वायरमन अजय डोंगरे यांनी पुढील भाग पाहणी करत व सर्वांशी सांघिक पद्धतीने मार्गदर्शन करत पुढील भाग सुरू केला.
टोलनाका येथे जास्त पडझड झाली असल्याने तेथील वायरमन पांडुरंग खरात अक्षय पाटील आणि रोहित काळभोर यांनी तातडीने क्रेन बोलावून वीज वाहिनीवर पडलेली झाडे तोडण्यास सुरुवात केली. मुख्य बाजारपेठ असलेले लोणी गावठाण लोणी कॉर्नर येथील वीज पुरवठा सुरू करताना अमोल शेलार,योगेश गाडेकर यांनी योग्य वेळी पर्यायी वीज वाहिनी कंत्राट दाराकडून ओढून घेतली. माळी मळा येथील वायरमन दादा चौधरी यांनी ठिकठिकाणी ट्रांसफार्मर बंद करून ठेवले व त्यांचे जोडीदार मुस्तफा शेख यांच्याशी चर्चा करून राहिंज वस्ती व माळी मळा परिसर सुरू करून वीज पुरवठा सुरळीत केला. तसेच वायरमन विशाल मोरे,हिमांशू काळभोर,दादा आगळे यांनी सुद्धा त्यांच्या परिसरातील वीजपुरवठा सुरक्षितपणे सुरळीत केला. साधारण दहा ते बारा तासात पूर्ण लोणी काळभोर येथील वीजपुरवठा पूर्ववत झाला अनेक नागरिक, प्रतिनिधींनी व पत्रकार वर्गाने वेळोवेळी सर्व कर्मचाऱ्यांना साथ दिली .
त्यामुळेच काही निवडक ग्राहक सोडता पूर्ण लोणी काळभोर ग्रामपंचायत व कदमवाकवस्ती ग्रामपंचायत येथील वीज पुरवठा सुरळीत करण्यात महावितरण लोणी काळभोर शाखा यांना शक्य झाले.
तसेच कुंजीरवाडी येथे महावितरण शाखा कानिष्ठ अभियंता श एस आलदर , लाईनमन मंगेश पारखी, शरद वाघमारे, निलेश भोंडवे, किरण मोहिते अंचल बागडे, दीपक केंद्रे, सतीश चव्हाण, नाथा माकर,किरण झेंडे यांनी अथक प्रयत्न करुन घुडघ्याभर पाण्यात उतरून वीज पुरवठा सुरुळीत केला .
या सर्वांच्या कामगिरी बद्दल पुर्व हवेलीतुन विदयुत आँफीसर व कर्मचारी यांचे कौतुक होत आहे .
