लोणी काळभोर प्रतिनिधी – हवेली तालुक्यातील कुंजीरवाडी गावचे सुपुत्र स्वप्नील कुंजीर पाटील यांची आज शिवसेना( उद्धव बाळासाहेब ठाकरे ) हवेली तालुका प्रमुखपदी निवड करण्यात आली . कॉलेज जीवना पासून शिवसेनेच्या विचारांशी प्रामाणिक राहिलेले कुंजीर हे गेली २३ वर्षे शिवसेनेशी जोडलेले आहेत . पुणे जिल्ह्यात एक निष्ठावान शिवसैनिक म्हणून त्यांची ओळख आहे . उद्धव ठाकरेंची तोफ म्हणून परिचित असलेले कुंजीर यांनी शिवसेनेतील फूटी नंतर आक्रमकपणे ठाकरेंची बाजु लावून धरली . तालुक्यात विविध आंदोलने केली.
कुंजीर यांची तालुका प्रमुख म्हणून उद्धव ठाकरे यांच्या आदेशाने पुणे जिल्ह्याचे संपर्क प्रमुख आमदार सचिन अहीर यांनी निवड केली आहे. हवेली तालुक्यातील सर्व शिवसैनिकाना सोबत घेऊन जनतेच्या हितासाठी काम करणार असल्याचे स्वप्नील कुंजीर पाटील यांनी सांगितले. कुंजीर पाटील यांच्या निवडीने सर्व निष्ठावान शिवसैनिकानी आनंद व्यक्त केला असुन निष्ठावंतांना शिवसेना (उ बा ठा ) कधीच वाऱ्यावर सोडत नसल्याचे अनेक शिवसैनिकांनी सांगितले .
