लोणी काळभोर प्रतिनिधी – आगामी जिल्हा परिषद व पंचायत समितीच्या अनुषंगाने निवडणुकी संदर्भात आढावा बैठकीचे आयोजन शिवसेना (उद्धव बाळासाहेब ठाकरे) पक्षाच्या वतीने नुकताच कुंजीरवाडी घेण्यात आला .यावेळी हवेली शिवसेना तालुका प्रमुख स्वप्निल कुंजीर यांनी सांगितले की मी बाळासाहेबांचा शिवसैनिक म्हणुन उभा राहणार असुन प्रत्येक शिवसैनिकांला ताकद देण्याचे काम करणार आहे .या बैठकीला हवेली तालुका शिवसेना,युवासेना,महिला आघाडी व सर्व अंगीकृत संघटनेचे पदाधिकारी व शिवसैनिक उपस्थित होते . शिवसेना पक्षप्रमुख उद्धव ठाकरे यांच्या आदेशानुसार शिवसेना नेते युवासेनाप्रमुख आदित्य ठाकरे ,शिवसेना उपनेते पश्चिम महाराष्ट्र समन्वयक रविंद्र मिर्लेकर ,पुणे जिल्हा संपर्कप्रमुखआमदार सचिन अहिर ,पुणे जिल्हा सहसंपर्क प्रमुख आदित्यजी शिरोडकर यांच्या मार्गदर्शनाखाली अशोकराव खांडेभराड शिवसेना जिल्हाप्रमुख यांच्या प्रमुख उपस्थितीत आगामी जिल्हा परिषद आणि पंचायत समितीच्या निवडणुकी संदर्भात,जिल्हा परिषद व पंचायत समिती गट व गण निहाय महत्वपूर्ण आढावा बैठक कुंजीरवाडी येथे मातोश्री निवासस्थान पार पडली . यावेळी आगामी जिल्हा परिषद व पंचायत समितीच्या निवडणूकी संदर्भात चर्चा करुन आघाडी झाली तर जास्तीत जास्त जागा निवडून आणण्यासाठी प्रयत्न करणार असुन आघाडी झाली नाही तर वरिष्ठांच्या निर्णयानुसार शिवसेना हवेली तालुक्यात जिल्हा परिषद गटात व पंचायत समिती गणात उमेदवार उभे करणार असल्याची माहिती स्वप्नील कुंजीर यांनी दिली
