या योजनेसाठी भाजपचे पुणे जिल्हा सरचिटणीस राहुल शेवाळे व गावच्या माजी सरपंच प्रतिमा शेवाळे यांच्याकडून सातत्याने पाठपुरावा करण्यात आला होता
हडपसर प्रतिनिधी – महानगरपालिकेच्या समान पाणीपुरवठा योजनेअंतर्गत शेवाळेवाडी गावाला सुमारे ३७ कोटी रुपयांची स्वतंत्र पाणीपुरवठा योजना होत असून त्याचे ऑनलाईन पद्धतीने मुख्यमंत्री देवेंद्र फडणवीस यांच्या हस्ते आज भूमिपूजन करण्यात आले.
आज मुख्यमंत्री देवेंद्र फडणवीस यांच्या हस्ते पुणे महानगरपालिकेच्या विकासकामांचे लोकार्पण, भूमिपूजन व उदघाटन करण्यात आले. दरम्यान शेवाळेवाडी येथील ३७ कोटी रुपयांच्या स्वतंत्र पाणी पुरवठा योजनेचे भूमिपूजनही ऑनलाइन पध्दतीने केले. यावेळी केंद्रीय राज्यमंत्री मुरलीधर मोहोळ, उपमुख्यमंत्री अजित पवार, विधान परिषदेच्या उपसभापती डॉ. नीलम गोऱ्हे, विधानसभा उपाध्यक्ष अण्णा बनसोडे, मंत्री चंद्रकांत पाटील, राज्यमंत्री माधुरी मिसाळ ,महापालिका आयुक्त नवलकिशोर राम, बी.पी पृथ्वीराज ,आमदार भीमराव तापकीर, सिद्धार्थ शिरोळे, सुनील कांबळे, हेमंत रासने, अध्यक्ष धीरज घाटे , निवडणूक प्रमुख गणेश बीडकर , श्रीनाथ भीमाले उपस्थित होते .
महापालिकेत समाविष्ट करण्यात आलेल्या शेवाळेवाडी गावाला बंद नळाने पाणीपुरवठा करण्यासंदर्भात भाजपचे जिल्हा सरचिटणीस व गावचे माजी उपसरपंच राहुल शेवाळे यांनी मुख्यमंत्री देवेंद्र फडणवीस यांची भेट घेतली होती.त्यावेळी मुख्यमंत्री यांनी गावच्या पाणीप्रश्नाबाबत विशेष दखल घेऊन महापालिका आयुक्तांना कार्यवाही करण्याची सूचना केली होती.
