नागरिकांमध्ये चर्चा
शेवाळेवाडी प्रतिनिधी – पुणे महानगरपालिकेच्या निवडणुकीमध्ये प्रभाग क्रमांक १५ मध्ये बंडखोरी थोपवण्यास हडपसर विधानसभा मतदारसंघाचे आमदार चेतन तुपे व विधान परिषदेचे आमदार योगेश टिळेकर यांना यश येणार का याकडे नागरिकांचे लक्ष लागले आहे . मांजरी व शेवाळेवाडी ही गावे पुणे महानगरपालिकेत समाविष्ट झाल्यानंतर महापालिकेची या ठिकाणी प्रथमच निवडणूक होत आहे. त्यामुळे इच्छुकांची संख्या राष्ट्रवादी काँग्रेस पक्ष ( अजित दादा गट )व भाजप यांच्यामध्ये जास्त असून जर बंडखोरी झाली तर फटका कुणाला बसणार याची चर्चा प्रभाग क्रमांक १५ मध्ये जोरदार चालू आहे त्यातच निष्ठावंत लोकांना डावलून इतर पक्षातील लोकांना समाविष्ट करून उमेदवारी दिली गेली आहे .त्याचा फटका पक्षाला बसणार का ? राष्ट्रवादी काँग्रेस व भाजप पक्षातर्फे उमेदवारी मागणाऱ्यांची संख्या जास्त आहे .तसेच राष्ट्रवादीची ताकद सुद्धा या भागात जास्त असून विधान परिषदेचे आमदार योगेश टिळेकर यांनी सतत कार्यकर्त्यांना ताकद देण्याचे काम केल्यामुळे खरी लढत राष्ट्रवादी काँग्रेस व भाजप यांच्यामध्येच होणार असल्याची चर्चा नागरिकांच्यात आहे . दोन्हीही आमदारांचा प्रभाव या प्रभागामध्ये असून दोन्ही आमदार नाराज गटाला शांत करणार का याबाबत उमेदवारी माघार घेण्याच्या दिवशीच कळणार आहे .याबाबत हडपसर विकास आघाडी तर्फे नाराज गटाची निवडणूक लढण्यासाठी चाचपणी होत असुन तशी तयारी सुरू झाली असल्याची चर्चा नागरिकांमध्ये सुरू आहे .त्यामुळे दोन्ही आमदारांची प्रतिष्ठा नाराज उमेदवारांना माघार घेण्यासाठी तयार करण्यात लागली असुन तसे झाले नाहीतर प्रभाग क्रमांक १५ मध्ये एक वेगळे चित्र दिसेल असे नागरिक बोलुन दाखवत आहेत .
