लोणी काळभोर प्रतिनिधी – राष्ट्रवादी काँग्रेस पक्षाचे प्रवक्ते विकास लवांडे हे आळंदी म्हातोबाची येथे दशक्रिया विधीच्या प्रवचनासाठी आले असता . स्मशानभूमीच्या जवळ दहा ते बारा जणांनी त्यांना अडवून त्यांच्यावर शाई ओतून धक्काबुक्की करून अशील भाषेत शिवीगाळ करून मारहाण केली व तुला सोडणार नाही अशी धमकी दिल्याची फिर्याद विकास लंवाडे यांनी दिली आहे .याबाबत संग्राम भंडारे ,अक्षय कांचन व इतर दहा जणांवर लोणी काळभोर पोलीस ठाण्यात गुन्हा दाखल केला आहे .त्यासंदर्भात राष्ट्रवादी काँग्रेस पक्षाचे( शरद पवार गट ) आमदार रोहित पवार हे लोणी काळभोर पोलीस स्टेशनला आले होते. त्यावेळी त्यांनी दोन दिवसात जर शाई फेकणाऱ्यांवर कारवाई झाली नाही तर आम्ही आंदोलन करू असा इशारा दिला.
याबाबत राष्ट्रवादी काँग्रेस पक्षाचे आमदार रोहित पवार यांनी पत्रकारांशी बोलताना सांगितले की पोलिसांशी आम्ही चर्चा केली असून जे कलम पाहिजे ते टाकले नाही . शिव्या देणे हे संतांच्या विचाराचे आहेत का ?त्यामुळे कडक कारवाई करण्याची आमची अपेक्षा होती . पोलिसांनी सांगितले की दोन दिवसात कारवाई झालेली दिसेल म्हणून आम्ही वर्दीचा मान राखुन दोन दिवस आम्ही पोलिसांना वेळ दिला असुन कारवाई झाली नाही तर आम्ही आंदोलन करणार आहे. यावेळी राष्ट्रवादी काँग्रेस पक्षाच्या पुणे जिल्हा महिला अध्यक्षा भारतीताई शेवाळे ,हवेली तालुका राष्ट्रवादी काँग्रेसचे अध्यक्ष संदीप गोते , हवेली तालुका महिला अध्यक्षा सुरेखाताई बोरडे व राष्ट्रवादीचे अनेक कार्यकर्ते पोलीस स्टेशनमध्ये उपस्थित होते . याबाबत लोणी काळभोर पोलिसांनी कायदा सुव्यवस्थेचा प्रश्न निर्माण होऊ नये म्हणून पोलीस उपायुक्त सागर कवडे ,सहाय्यक पोलीस आयुक्त अनुराधा उदमले ,लोणी काळभोर पोलीस स्टेशनचे वरिष्ठ पोलीस निरीक्षक राजेंद्र , पन्हाळे, हडपसरपोलीस ठाण्याचे वरिष्ठ पोलीस निरीक्षक संजय मोगले व पोलीस अधिकारी मोठ्या संख्येने उपस्थित होते.
याबाबत संग्राम भंडारे यांनी सोशल मिडिया वर एक पोस्ट टाकली असुन विकास लवांडे हे गेल्या अनेक दिवसापासून आमच्या गुरुबद्दल आक्षेपार्ह विधान करत आहेत .त्यामुळे आमच्या गुरुचां अपमान सहन करणार नाही. आणि याचा निषेध म्हणून आम्ही आळंदी येथे त्यांच्यावर काळी शाई फेकली आहे .मात्र पिस्तूल दाखवण्याचा खोटा आरोप ते करत असल्याचे भंडारी यांनी सांगितले .तसेच यापुढे गुरूंचा अपमान केल्यास परिणामांना सामोरे जावे लागेल असा इशाराही दिला
