उरुळी कांचन प्रतिनिधी – अनिरुद्ध मराठे – यवत पोलिस स्टेशन हद्दीतील भुलेश्वर फाटा ते भुलेश्वर मंदिर कडे जाणाऱ्या रस्त्यावर अंदाजे ५०० मीटर अंतरावर एक इसम विनापरवाना गावठी पिस्टल बाळगत असल्याची गोपनीय माहिती यवत पोलिसांना प्राप्त झाली होती. सदर गोपनीय माहितीच्या आधारे यवत पोलिसांनी तत्काळ घटनास्थळी जाऊन पडताळणी केली असता . आदित्य सर्जेराव सांगळे ( वय २१वर्ष रा. दत्तनगर पाटस ता. दौंड जि. )पुणे हा विनापरवाना व बेकायदेशीर रित्या एक गावठी पिस्टल जवळ बाळगताना मिळून आला .तसेच मा. जिल्हाधिकारी यांच्या आदेशानुसार पुणे ग्रामीण जिल्ह्यामध्ये दि.१३/०६/२०२६ पासून दि.१०/०७/२०२६ पर्यंत शस्त्रे, तलवारी, बंदुका तसेच शारीरिक इजा करण्यासाठी वापरता येतील अशा वस्तू जवळ बाळगण्यास मनाई आदेश लागू असताना या आदेशाचे उल्लंघन केल्याचे निष्पन्न झाले असल्याने त्याच्याकडील सदर गावठी पिस्तल व एक जिवंत काडतूस जप्त करण्यात आले आहे, या प्रकरणी फिर्यादी पो. हवा./ब. नं.१६०० संदीप सुरेश देवकर यांनी दिलेल्या फिर्यादीवरून आरोपी आदित्य सर्जेराव सांगळे याच्याविरुद्ध भारतीय शस्त्र अधिनियम १९५९ चे कलम ३,२५ तसेच महाराष्ट्र पोलिस अधिनियम १९५१चे कलम ३७(१),(३) सह १३५ प्रमाणे यवत पोलिस स्टेशन येथे गुन्हा दाखल करण्यात आला आहे. सदर गुन्ह्याचा पुढील तपास यवत पोलिस स्टेशनचे पोलिस उपनिरीक्षक मारोती मेतलवाड हे करीत आहेत. सदरची कारवाई पोलिस अधीक्षक संदीप सिंह गिल, पुणे ग्रामीण, अपर पोलीस अधीक्षक गणेश बिराजदार. बारामती विभाग तसेच उपविभागीय अधिकारी बापुराव दडस, दौंड विभाग यांच्या मार्गदर्शनाखाली यवत पोलिस स्टेशनचे पोलीस निरीक्षक संतोष तासगावकर, पोलिस उपनिरीक्षक मारोती मेतलवाड पो.हवा रॉकी देवकाते,पो.हवा संदीप देवकर पो.हवा गणेश कर्चे,पो.हवा महेंद्र चांदणे, पो.कॉ.धीरज जाधव,पो.कॉ. मारुती बाराते,पो.कॉ. अमोल भुजबळ,पो.कॉ. सचिन गुंड,पो.कॉ. मोहन भानवसे यांच्या पथकाने केली.
