चोरी करताना चोर सीसीटीव्ही मध्ये कैद
लोणी काळभोर प्रतिनिधी – कोरेगाव मुळ ग्रामपंचायत हद्दीतील बोधे -काकडे वस्ती येथील दत्त मंदिरात अज्ञात चोरट्याने दानपेटी फोडून रोख रक्कमेवर डल्ला मारला आहे. ही घटना शनिवारी मध्यरात्री दीडच्या सुमारास घडल्याची माहिती ग्रामस्थांनी दिली .
चोरट्याची संपूर्ण हालचालीचा प्रकार मंदिर परिसरात लावलेल्या सीसीटीव्ही कॅमेऱ्यात स्पष्टपणे कैद झाला असुन चोराने मंदिराच्या दाराजवळील दानपेटीचे कुलूप कटरच्या सहाय्याने तोडून त्यातील रोख रक्कम लंपास केली.
सकाळी मंदिर व्यवस्थापक व ग्रामस्थांनी ही बाब लक्षात येताच नागरिकांनी पोलीस पाटील वर्षा कड यांना संपूर्ण माहिती दिली त्यांनी घटनास्थळावरून ११२ या हेल्पलाईनला फोन करा मी उरुळी कांचन पोलीसांना कळवते असे सांगितले असता नागरिकांनी तत्काळ ११२ या हेल्प लाईनवर संपर्क करुन घटनेची माहिती दिली आहे. या घटनेमुळे परिसरातील नागरिकांमध्ये भीतीचे वातावरण पसरले आहे.पोलीस घटनास्थळी पोहचले असुन तपास चालू आहे .
