शनिवार दिनांक ६ डिसेंबर २०२५ रोजी सकाळी दहा वाजता वैकुंठ स्मशानभूमी नवी पेठ पुणे येथे अंत्यसंस्कार होणार आहेत .
लोणी काळभोर येथे ६३ वर्षे अविरत रुग्णसेवा
लोणी काळभोर – लोणी काळभोर येथील डॉक्टर शशिकांत परशुराम तलाठी( डॉ. एस पी तलाठी ) यांचे वयाच्या ८८व्या वर्षी निधन झाले. त्यांच्यावर शनिवार दिनांक ६ डिसेंबर २०२५ रोजी सकाळी दहा वाजता वैकुंठ स्मशानभूमी नवी पेठ पुणे येथे अंत्यसंस्कार होणार आहेत .त्यांनी लोणी काळभोर येथे ६३ वर्ष अविरत रुग्णसेवा केली. पूर्व हवेलीतील अनेक गावातुन रुग्ण लोणी काळभोर येथे त्यांच्याकडे येत असत. त्यांच्या मागे पत्नी , दोन डॉक्टर मुले ,सुना , नातवंडे असा परिवार आहे. डॉक्टर तलाठी यांच्या निधनाबद्दल लोणी काळभोरचे सरपंच नागेश काळभोर यांनी दुःख व्यक्त करून डॉक्टर तलाठी यांच्या आठवणी सांगितल्या .रुग्ण सेवा करताना डॉक्टर तलाठी यांनी समाजसेवा पण केली असल्याची माहिती सरपंच नागेश काळभोर यांनी दिली. माजी सरपंच राहुल काळभोर यांनी सांगितले की लहान असताना आम्ही डॉक्टर तलाठी यांच्या दवाखान्यात गेलो की इंजेक्शनची सुई बघून घाबरायचो . पण डॉक्टरांनी कधी इंजेक्शन दिले हे कळत पण नव्हते . आणि दवाखान्याच्या बाहेर येताच आजार निघून जायचा असा डॉक्टरांचा रुग्णांना बरा करण्याचा हातखंडा होता .
