शाळा प्रशासनाची भूमिका काय?
लोणी काळभोर प्रतिनिधी – पुर्व हवेलीतील शाळेत शिक्षक की पत्रकार? असा प्रश्न सध्या ऐरणीवर आला असून, शिक्षक कम् पत्रकार म्हणून जोमात वावरणाऱ्या महाशयांवर शाळा प्रशासन कोणती कारवाई करणार, याकडे संपूर्ण परिसराचे लक्ष लागले आहे.
शाळेच्या वेळेतच पत्रकारिता जोमात सुरू असल्याची चर्चा असून, यासाठी संबंधित शिक्षकांना शाळा प्रशासनाची अधिकृत परवानगी आहे का, असा थेट सवाल नागरिकांकडून केला जात आहे. शिकवताना शिक्षणाकडे दुर्लक्ष होत असून, पत्रकारिता मात्र वेगाने सुरू असल्याने विद्यार्थ्यांचे शैक्षणिक नुकसान होत असल्याची चर्चा हवेली तालुक्यात रंगू लागली आहे.
इतकेच नव्हे तर एखादा पालक तक्रार घेऊन शाळेत गेला असता, संबंधित महाशय पत्रकारितेचा धाक दाखवून पालकांना गप्प करत असल्याची माहिती समोर येत आहे. “पत्रकारिता जरूर करा, पण शाळेच्या वेळेत नको; शाळा सुटल्यावर करा,” अशी स्पष्ट भूमिका अनेक पालकांनी मांडली आहे.
मग हे महाशय गिरी पर्वतावर उभे राहून जगाच्या आकलेचे तारे का तोडत आहेत ? असा सवाल आता पूर्व हवेलीतील नागरिक विचारू लागले असून, शाळा प्रशासन यावर ठोस कारवाई करणार की मूकदर्शक राहणार, याकडे सर्वांचे लक्ष लागले आहे.
