लोणी काळभोर प्रतिनिधी – लोणी काळभोर येथील वनक्षेत्रातून अनेक वाड्यावर त्यांवर जाणाऱ्या रस्त्याच्या दुरुस्तीसाठी व डांबरीकरणासाठी सकारात्मक चर्चा झाली . पुणे जिल्हा उपवनसंरक्षक, पुणे विभाग, पुणे महादेव मोहिते व वनपरिक्षेत्र अधिकारी सुरेश वरक यांनी तीर्थक्षेत्र रामदारा या ठिकाणी भेट दिली . यावेळी रामदारा परिसराचे सुशोभीकरण करण्याबाबत त्यांच्याशी सविस्तर चर्चा झाली. विशेष करून रामदरा येथील तळ्यामध्ये विविध प्रकारचे कारंजे व त्यास विविध प्रकारच्या लाईट्स करण्याबाबतचे आदेश त्यांनी त्वरित त्यांच्या विभागाला दिले. त्याचबरोबर तळ्याच्या कडेने बसून सदर कारंज्याचा व सुशोभीकरणाचा नागरिकांना आनंद घेता यावा यासाठी बैठक पद्धत, सेल्फी पॉईंट बनवण्याबाबत निर्णय झाला.
लोणी काळभोर गावाला खूप मोठे वनक्षेत्र आहे व त्या ठिकाणी भविष्यात वन उद्यान किंवा इतर महत्त्वाकांक्षी प्रोजेक्ट होऊ शकतात असेही मोहिते यांनी यावेळी सांगितले. लोणी काळभोर मधील वन क्षेत्रातून गावातील अनेक महत्त्वाचे वाड्या वस्त्यांना जोडणारे प्रमुख रस्ते जातात. त्या रस्त्यांची दुरुस्ती व्हावी व डांबरीकरणास परवानगी मिळावी याबाबत ही सकारात्मक चर्चा झाली. त्याचबरोबर लोणी काळभोर वन व्यवस्थापन समिती व ग्रीन फाउंडेशन या सेवाभावी संस्थेमार्फत गेल्या अनेक वर्षांपासून वृक्षारोपणाचा कार्यक्रम हाती घेतला जातो .परंतु हाता-तोंडाशी आलेली झाडं प्राणी खाऊन टाकतात त्यामुळे हवे तसे वनीकरण होत नाही. या झाडांना संरक्षण जाळी पुरवण्यात यावी अशी मागणी केली. यावेळी लोणी काळभोरचे सरपंच राहुल काळभोर ,वन परिमंडळ अधिकारी प्रमोद रासकर , लोणी काळभोर वनरक्षक अंकुश कचरे ,वन व्यवस्थापन समिती अध्यक्ष युवराज काळभोर ,माजी उपसरपंच राजेंद्र काळभोर ,माजी ग्रामपंचायत सदस्य पांडुरंग केसकर ,राष्ट्रवादी किसान सेलचे उपाध्यक्ष रमेश काळभोर सामाजिक कार्यकर्ते हिरामण केसकर आदी उपस्थित होते .
