कदमवाकवस्ती येथील घटना
लोणी काळभोर प्रतिनिधी – कदमवाकवस्ती येथील पठारे वस्ती मध्ये घरी कोणी नसल्याचा फायदा घेत चोरट्यांनी रोख रकमेसह चालू बाजारभावाप्रमाणे सुमारे बारा लाखाचे दागिने लंपास केल्याची घटना सोमवारी रात्री उघडीच आली. याबाबत लोणी काळभोर पोलीस ठाण्यात गुन्हा दाखल करण्यात आला असून पोलिसांनी तपासास गती दिली आहे.
पोलिसांनी दिलेल्या माहितीनुसार शौकत शब्बीर मोगल (वय ४३वर्षे रा. तुळजाभवानी मंदिराजवळ कदमवाकवस्ती ) यांनी फिर्याद दिली असून ते काही कामानिमित्ताने त्यांच्या मुळगावी (मानेगाव ता. बार्शी जिल्हा सोलापूर ) येथे गेले होते .जाताना घरातील मौल्यवान वस्तू व दागिने लोखंडी कपाटातील लाँकरमध्ये ठेवले होते .परत आल्यावर त्यांना घरातील दरवाजाचे कुलूप तुटलेले दिसले .घरातील सामान अस्ताव्यस्त पडलेले दिसले . कपाटाचे लॉक व लॉकर देखील तुटलेले होते. त्यामुळे आज्ञात चोराने घरात प्रवेश करुन कपाटातील लोकर मध्ये ठेवलेल्या रोख रक्कमेसह चालू बाजारभावाप्रमाणे बारा लाख रुपयांचे दागिने चोरीस गेल्याची फिर्याद मोगल यांनी दिली आहे.
