लोणी काळभोर प्रतिनिधी – मांजरी येथून जाणारा बेबी कालवा ओव्हर फ्लो झाला असून मांजरी येथील घुले वस्ती ते रेल्वे गेट पर्यंत संपूर्ण रस्त्यावर पाणीच पाणी झाले .त्यामुळे नागरिकांना घाण पाण्यातून रस्ता काढणे अतिशय कठीण जात होते.
याबाबत मिळालेल्या माहितीनुसार आज मांजरी येथील घुले वस्ती जवळ जुना मुळा मुठा कालवा ओव्हर फ्लो भरून वाहत असल्यामुळे प्रचंड प्रमाणात पाणी बाहेर येऊ लागले .त्यामुळे नागरिकांची एकच तारांबळ झाली. या पाण्यामुळे सर्वत्र दुर्गंधी सुटली अनेक नागरिकांनी याबाबत रस्त्यावर येऊन नाराजी व्यक्त केली. मुळा मुठा नदीतील घाण पाणी उचलून ते जुन्या बेबी कॅनल मध्ये सोडले जाते. बेबी कालव्यातील जलपर्णी काढण्याचे काम चालू आहे .
आज जादा पाणी सोडल्यामुळे जुना बेबी ओव्हर फ्लो झाला. मांजरी परिसरातील नागरिकांना पाऊस न पडता रस्त्यावरून पाणी वाहत असल्याचे दृश्य दिसले. याबाबत कालव्यातून पाणी वाहून जाण्याची मर्यादा किती आहे. मर्यादा जर कमी आहे तर जास्त पाणी सोडले का याची शासनाने संपूर्ण चौकशी करण्याची मागणी नागरिकांनी केली आहे .जुना बेबी कालवा ओव्हर फ्लो झाल्यामुळे नागरिकांना प्रंचड मनस्ताप सहन करावा लागला.
