चहा पेक्षा किटली गरम अशी अवस्था
लोणी काळभोर प्रतिनिधी – पुणे -सोलापूर महामार्गावर आज शनिवार दिनांक २० आँक्टोबर रोजी दुपारी सुमारे साडेतीन वाजल्यानंतर वाहतूक कोंडीस सुरुवात झाली . त्यानंतर नागरिकांचे हाल चालू झाले. याबाबत कदमवाकवस्ती ग्रामपंचायतने वाकलेला हाय मॅक्स काढण्यास सुरुवात केली त्यासाठी वाहतूक पोलिसांची कसलीही परवानगी न घेतली नाही . मधुबन कार्यालय समोरील हा हायमॅक्स काढतेवेळी मोठ्या क्रेन आणल्यामुळे वाहतूक कोंडीला सुरुवात झाली. त्यानंतर मोठा हायमॅक्सचा खांब काढल्यानंतर तो तसाच रस्त्याच्या डिव्हायडरच्या शेजारी ठेवल्यामुळे वाहतूक कोंडीत आणखीनच भर पडली .त्यानंतर जी वाहतूक कोंडी झाली ती न भूतो न भविष्यती अशी झाली. त्यामध्ये अनेक ॲम्बुलन्स , स्कूल बस ,कामगारांच्या बस ,मांजरी बाजारातून निघालेले शेतकरी , रिक्षावाले , एसटी बस ,व इतर सर्व प्रकारची वाहने तीन ते साडेतीन तास या वाहतूक कोंडीत अडकल्यामुळे सर्व नागरिकांची प्रचंड गैरसोय झाली .
सोलापूरच्या दिशेने जाणाऱ्या वाहनांच्या लोणी काळभोर पासून पंधरा नंबर पर्यंत लांबच लांब रांगा लागल्या तर पुण्याच्या दिशेने जाणाऱ्या वाहनांच्या मधुबन कार्यालयापासून कुंजीरवाडी पर्यंत लांबच लांब रांगा लागल्या
.त्यामुळे नुसत्या एका खांबावर हायमॅक्सच्या खांबामुळे जर वाहतूक कोंडी होत असेल तर याला जबाबदार कोण याबाबत कदमवाकवस्तीचे ग्रामसेवक अमोल घोळवे यांच्याशी संपर्क केला असता त्यांनी फोन उचलण्यास असमर्थता दाखवली. त्यामुळे याला जबाबदार ग्रामपंचायतचे हे पदाधिकारी आहेत का त्यांनी रीतसर सगळी परवानगी घेऊन खांब काढला का खांब काढताना वेळ बघितली नाही का . अशी नागरिकांच्या चर्चा चालू आहे . आज शनिवार असल्यामुळे सुट्टीमुळे घरी जाणाऱ्यांची संख्या प्रचंड असुन सुद्धा ग्रामपंचायतीचे हे पदाधिकारी यांनी कुठल्या प्रकारे या वेळेत खांब काढला की त्यामुळे नागरिकांचे असे हाल झाले .आम्ही जीवनात पहिल्यांदाच अशी वाहतूक कोंडी बघितली असुन याला जबाबदार अधिकाऱ्यांवर कारवाई करण्यात यावी अशी मागणी नागरिकांच्या मधुन येत आहे .
याबाबत हडपसर वाहतूक शाखेचे पोलीस निरीक्षक राजेंद्र करणकोट यांनी सांगितले की ग्रामपंचायतिने कुठलीही परवानगी आमच्याकडून घेतलेली नाही किंवा आम्हाला तसे सांगितले पण नाही. या वाहतूक कोंडीत अनेक वाहने उलट्या दिशेने आल्यामुळे वाहतूक कोंडीत भर पडली . त्यामुळे प्रचंड वाहतूक कोंडी झाली याबाबत पोलिसांबरोबर स्थानिक ग्रामस्थांनी वाहतूक हटवण्यासाठी मदत केल्याचे पोलीस निरीक्षक राजेंद्र करणकोट यांनी सांगितले .वाहने उलट्या दिशेने येत असताना वाहतूक वार्डन व त्यांच्या मदतीस असलेली टीम नागरिकांच्या अंगावर धावून जात हातातील काठी उगारत होते . त्यामुळे चहा पेक्षा किटली गरम अशी म्हन वाहतूक वाँर्डन व त्यांच्या मदतनी सास लागू होत आहे .
मराठा महासंघाचे गजानन जगताप यांनी सांगितले की आतापर्यंतच्या सगळ्यात भयंकर व प्रचंड वाहतूक कोंडी झाली होती .याला जबाबदार असण्याऱ्यावर कारवाई करण्यात यावी अशी मागणी त्यांनी केली आहे .
हडपसर वाहतूक शाखेचे पोलीस निरीक्षक राजेंद्र करणकोट व त्यांच्या सर्व सहकाऱ्यांनी वाहतूक कोंडी सुरळीत करण्यासाठी सर्व यंत्रणा कामाला लावली . त्यामुळे तीन ते साडेतीन तास रखडलेली वाहतूक कोंडी हळूहळू मार्गी लागली. त्यामुळे पोलीस निरीक्षक राजेंद्र करणकोट व त्यांच्या सर्व सहकाऱ्यांचे मनसेचे हवेली तालुका अध्यक्ष अनिरुद्ध मराठे यांनी अभिनंदन करून सर्वांचे धन्यवाद.
वाहतूक शाखेच्या मदतीला धावले लोणी काळभोर पोलीस ठाण्याचे अधिकारी व पोलीस
लोणी काळभोर पोलीस ठाण्याचे वरिष्ठ पोलीस निरीक्षक राजेंद्र पन्हाळे यांना पुणे -सोलापूर महामार्गावर प्रचंड वाहतूक कोंडी झाल्याचे समजताच त्यांनी पोलीस उपनिरीक्षक उदय काळभोर व पोलीस कर्मचाऱ्यांना वाहतूक कोंडी सोडवण्यासाठी सांगितले .त्यामुळे वाहतूक शाखेच्या मदतीला लोणी काळभोर पोलीस धावले .
