लोणी काळभोर प्रतिनिधी – लोणी काळभोर येथील श्रीक्षेत्र रामदाऱ्याकडे जाणारा नवीन कॅनल वरील पूल अत्यंत कमकुवत व धोकादायक झाला होता. त्यातच रविवारपासून सतत पडत असणाऱ्या पावसामुळे पुलाच्या पिलरला मोठ्या भेगा पडल्या आहेत. त्यामुळे हा पुल वाहतुकीसाठी बंद केला आहे .
आज दिनांक-१८/०९/२०२५ रोजी महाराष्ट्र राज्याचे उपमुख्यमंत्री तथा पुणे जिल्ह्याचे पालकमंत्री अजितदादा पवार यांना रामदरा येथील नवीन पुलासाठी निवेदन आणि पुलाचे अंदाजपत्रक देण्यात आले .यावेळी सरपंच राहुल काळभोर ,प्रशांत काळभोर (संचालक कृषी उत्पन्न बाजार समिती पूणे), पैलवान राहुल भाऊ काळभोर (महाराष्ट्र केसरी), ग्रा.प.सदस्य राजाराम काळभोर, हेमंत गायकवाड (अध्यक्ष अंबरनाथ देवस्थान ट्रस्ट), श्री.युवराज काळभोर (अध्यक्ष वन व्यवस्थापन समिती) व इतर मान्यवर उपस्थित होते. यावेळी अजित पवार यांनी सांगितले की हा पुल लवकरात लवकर होण्यासाठी प्रयत्न करणार आहे . पुल करताना त्याची गुणवत्ता राहण्यासाठी तुम्ही सर्वांनी लक्ष देण्याच्या सुचना दिल्या .
