उरुळी कांचन प्रतिनिधी (सुनील तुपे) उरुळी कांचन . ता. हवेली येथील १७ मार्च २०२५ रोजी घेण्यात आलेल्या सायबर सुरक्षा कार्यक्रमात
‘महिलांनो सतर्क रहा, सुरक्षित रहा ‘ व महिलांनी आर्थिक व्यवहार करताना सायबर सुरक्षिततेचा विचार करून व्यवहार करा , असे प्रतिपादन हवेली पंचायत समितीच्या माजी सभापती हेमलताताई बडेकर यांनी केले . बचत गटातील महिलांमुळेच समाजातील आर्थिक आणि सामाजिक स्तर उंचावला जाऊ शकतो , त्यामुळे महिलांना सायबर सुरक्षिततेचे ज्ञान असणे आवश्यक आहे. त्यासाठी महिलांनी जागरूक राहा असा सल्ला त्यांनी येथील आयडियल कंप्यूटर सेंटर उरुळी कांचन येथे उमेद सायबर सुरक्षा अभियान जनजागृती कार्यक्रमात दिला.
जागतिक महिला दिनाचे औचित्य साधून बचत गटातील महिलांना सायबर सुरक्षा या विषयावर प्रॅक्टिकल व थेरॉटिकल व्याख्यान सोमवार दिनांक १७ मार्च २०२५ रोजी आयडियल कंप्यूटर सेंटरमध्ये पार पडले. यावेळी आयडियल कंप्यूटरच्या व्यवस्थापिका प्राध्यापिका सुजाता गायकवाड व महिला बचत गटातील सीआरपी रजनी रणशूर उपस्थित होत्या .
प्रा.सुजाता गायकवाड यांनी आपल्या व्याख्यानात, ‘महिलांनी ऑनलाइन जगात सुरक्षित राहण्यासाठी आणि स्मार्टफोन तसेच ऑनलाइन सेवांचा वापर करून पैशांचा व्यवहार करत असताना कोणती काळजी घ्यावी ‘ त्यासाठी कोणत्या उपाययोजना आहेत. या संदर्भात त्यांनी विविध उदाहरण देऊन माहिती सांगितली . आर्थिक पैशाचे व्यवहार करत असताना महिलांनी कोणती खबरदारी घ्यावी, ओटीपी शेअर करताना कोणती काळजी घ्यावी. आपल्या गुगल पे व फोन पे चा पासवर्ड कसा तयार करावा सार्वजनिक वायफाय का टाळायचे इत्यादी माहिती सांगितली, आपला स्मार्टफोन हरविल्यानंतर आय. एम. ई. आय.(IMEI) नंबर किती महत्त्वाचा आहे तो नंबर कसा शोधायचा याचे प्रात्यक्षिके करवून घेतली.
विविध बचत गटातील 30 हून अधिक महिला उपस्थित होत्या सायबर सुरक्षितता याचा आम्हाला नक्कीच फायदा होईल असे रजनी रणशुर यांनी आपल्या मनोगतात सांगितले.
आयडीयल कंप्यूटरच्या व्यवस्थापक छाया जाधव यांनी सर्व महिलांना मोगरा फुलाचे रोप देऊन आभार मानले. कार्यक्रम यशस्वी होण्यामागे प्रफुल्ल साळुंखे, वैष्णवी चव्हाण ,मानसी जाधव ,निशा चव्हाण , शिवराज शिवशरण, जय थोरात, यांचे मोलाचे सहकार्य लाभले.
