लोणी काळभोर प्रतिनिधी – थेऊर येथील जिल्हा परिषद शाळेत मोठ्याप्रमाणात विद्यार्थी शिक्षण घेतात, परंतु पाऊस पडल्यास, शाळेच्या आवारात खूप मोठ्या प्रमाणात चिखल निर्माण होतो. त्यामुळे येथे शिकणाऱ्या विद्यार्थ्यांना याचा खूप मोठ्या प्रमाणात त्रास सहन करावा लागत होता. तसेच येथील आद्य क्रांतिवीर राजे उमाजी नाईक सांस्कृतिक सभागृहातही ये-जा करणाऱ्या समाज बांधवांनाही त्रास सहन करावा लागत होता. तसेच श्री. चिंतामणी सहा असणे रिक्षा संघटनेचीही वाहने याच ठिकाणी थांबतात.
जिल्हा परिषद शाळेच्या आवारातील काँक्रिटीकरणास सुरुवात झाल्यामुळे या सर्वांनाच यामुळे दिलासा मिळणार आहे. आज प्रत्यक्ष कामालाही सुरुवात करण्यात आली, पुढील काही दिवसात येथील काँक्रिटीकरण पूर्ण होऊन विद्यार्थ्यांना व नागरिकांना याचा मोठ्या प्रमाणात फायदा होईल. या भुमिपूजन कार्यक्रमाप्रसंगी थेऊर ग्रामपंचायत सदस्य युवराज काकडे, राहुल कांबळे रिक्षा संघटनेचे अध्यक्ष संजय गावडे, नाना शेडगे, दिनेश कुंजीर, कैलास खोमणे, तानाजी गायकवाड, शिवाजी वायकर, रमेश गोरसे, आप्पासाहेब मगर, अजित बोडके, राहुल कांबळे, महादेव कांबळे, बाळासाहेब कोल्हे, उद्धव हजारे, सलीम शेख, अमोल मोहोळकर, महेश चव्हाण, राजेंद्र हजारे, मारुती गोरे व इतर मान्यवर यावेळी उपस्थित होते.
