लोणी काळभोर प्रतिनिधी – आपले मानवाधिकार फाउंडेशन समाजामध्ये होणारे अन्याय, भ्रष्टाचार, तसेच सामाजिक व इतर क्षेत्रात येणाया अडचणी सोडवत संविधानाने दिलेले अधिकार सक्षम व सशक्त करण्याच्या हेतुने मानवाधिकार चे शिव संविधान व्याख्याते व संचालक डॉ. दीपेश पष्टे यांनी सामाजिक कार्यकर्ते दिपक महादेव राऊत यांची पुणे शहर व जिल्हा पुणे सचिव पदी नियुक्ती केली आहे.
संघटनेच्या माध्यमातून समाजातील गोरगरीब, शोषित, अन्याय, भ्रष्टाचार अन्यायाला वाचा फोडण्यासाठी ‘आपले संविधान आपला आत्मसन्मान’ हे ब्रीदवाक्य घेऊन आपले मानवाधिकार फाउंडेशन संपुर्ण राज्यात उत्कृष्टपणे काम करीत आहे असेच काम श्री दिपक राऊत यांनी करावीत असे मनोगत व्यक्त करत पुढील वाटचालीस शुभेच्छा दिल्या. त्यांची निवड झाल्याचे कळताच जिल्हयातील मित्र परिवाराकडुन त्यांच्यावर शुभेच्छांचा वर्षाव होत आहे.
