लोणी काळभोर प्रतिनिधी – अहमदनगर जिल्हा मित्र मंडळ , पुणे या संस्थेचे वतीने जिल्ह्यातील गुणवंत विद्यार्थी व उल्लेखनीय कार्य केलेल्या मान्यवरांचा सत्कार समारंभ आयोजित करण्यात आला असल्याचे उपाध्यक्ष साहेबराव खामकर यांनी सांगितले.संस्थेची वार्षिक सर्वसाधारण सभा दिनांक २७|०९|२०२५ रोजी एस.एम.जोशी सभागृह, पुणे येथे आयोजित करण्यात आली असून या वेळी हा सत्कार समारंभ आयोजित करण्यात आला आहे.या कार्यक्रमाचे अध्यक्षस्थान
सहाय्यक पोलीस आयुक्त, पुणे शहर रंगनाथ उंडे हे भूषविणार असून प्रमुख पाहुणे म्हणून उद्योजक अविनाश शहाणे , राष्ट्रीय मराठी मोर्चा, नवी दिल्ली चे अध्यक्ष आनंद रेखी, पुणे बार असोसिएशन चे माजी अध्यक्ष ॲड.संतोष खामकर व एनएमडी प्रा.लि ; चे संस्थापक नवनाथ दरेकर हे रहाणार आहेत.संस्थे मार्फत विद्यार्थ्यांना प्रोत्साहन मिळणे साठी दरवर्षी एमपीएससी , युपीएससी उत्तीर्ण विद्यार्थ्यांचा तसेच इतर गुणवंत विद्यार्थी व ऊल्लेखनीय समाज कार्य करीत असलेल्या मान्यवरांचा यथोचित सन्मान केला जातो , अशी माहिती अध्यक्ष रावसाहेब पवार यांनी दिली.या वेळी बोलतांना प्रमुख मार्गदर्शक राज्याचे सहकार विभागाचे माजी अप्पर आयुक्त भास्करराव शेळके यांनी सांगितले की गरजू विद्यार्थ्यांसाठी पुणे येथे वसतिगृह सुरू करण्याचा संस्थेचा मानस आहे.या कार्यक्रमा साठी सर्व सभासद व विद्यार्थी यांनी हजर रहावे , असे आवाहन कोषाध्यक्ष साहेबराव मोरे यांनी केले.
