कित्येक रुग्णवाहिका वाहतूक कोंडीत अडकल्या
लोणी काळभोर -पुणे शहरातील वाहतूकीचे नियोजन व संभाव्य कोंडी टाळण्यासाठी तसेच नागरिकांचा त्रास कमी होण्यासाठी शहरातील रस्त्यावर अवजड वाहनामुळे होणाऱ्या वाहतूक कोंडीचे प्रमाण कमी करण्यासाठी अवजडवाहणे कवडीपाट टोल नाक्यावर थांबविण्यात आली. परंतु नागरिकांचा त्रास कमी होण्यापेक्षा नागरिकांना जास्तच त्रास होऊन मनस्ताप सहन करावा लागला .अवजड वाहनांना बंदी म्हणून कवडीपाट टोल नाका येथे वाहतूक अवजड वाहने थांबविण्यात आली असता टोलनाका ते थेऊर फाट्यापर्यंत रात्री बारा वाजेपर्यंत लांबच लांब रांगा पाहण्यास मिळाल्या. त्यात कित्येक रुग्णवाहिका अडकल्यामुळे रुग्णांची गैरसोय झाली तर दूध व भाजीपाल्याचे टेम्पो थांबविल्यामुळे त्यांना वेळेवर इच्छित स्थळी जाता आले नाही.
पुणे शहरातील वाहतूक कोंडी टाळण्यासाठी रात्री अकरा पर्यंत पुणे शहरात अवजड वाहनांना बंदी घालण्यात आली असून गुरुवारी टोल नाका येथे ही अवजड वाहने थांबविण्यात आली परंतु पुणे शहर वाहतूक पोलिसांच्या नियोजनाअभावी अवजड वाहनांबरोबर इतर वाहन चालकांना सुद्धा याचा मनस्ताप सहन करावा लागला . त्यामध्ये चार चाकी गाडी वाल्यांचे खूपच गैरसोय झाली . तर कित्येक रुग्णवाहिका अडकल्यामुळे रुग्णांचे हाल झाले .तर वेळेवर जाण्यासाठी निघालेल्या दूध व भाजीपाल्याच्या गाड्या जागेवरच थांबल्याने इच्छित स्थळी जाण्यासाठी त्यांना खूपच धडपड करावी लागली .त्यातच पोलिसांनी अकरा वाजेपर्यंत वाहतूक थांबवल्यामुळे अवजड वाहनांमुळे वाहतूक कोंडीत आणखीनच भर पडली.
वाहतूक पोलिसांनी योग्य फलक व वाहतुकीची व्यवस्था योग्य प्रकारे करावी ज्यामुळे अवजड वाहनांबरोबर अत्यावश्यक सेवा असणाऱ्या वाहनांना कसलेही प्रकारचा त्रास होणार नाही व वाहतूक कोंडीतून या सगळ्यांची सुटका होईल अशी चर्चा नागरिकांमध्ये सुरू असल्याचे दिसून आले.
