लोणी काळभोर प्रतिनिधी – पुणे जिल्हा अंतर्गत कार्यक्षेत्रामध्ये पुणे ग्रामीण, पुणे महानगरपालिका, पिंपरी चिंचवड महानगरपालिका, यांचा समावेश होतो. आरोग्य विभागाची उद्दिष्टे यांसह सर्व आरोग्य संस्था याविषयी सादरीकरणामध्ये सखोल आढावा बैठक
मेघनाताई बोर्डीकर राज्यमंत्री, सार्वजनिक आरोग्य व कुटुंब कल्याण, पाणीपुरवठा व स्वच्छता, ऊर्जा, महिला बाल विकास, सार्वजनिक बांधकाम (सार्वजनिक उपक्रम) महाराष्ट्र राज्य यांच्या अध्यक्षतेखाली जिल्हाधिकारी कार्यालय, पुणे येथे आयोजित करण्यात आली होती. यावेळी डॉ. राधाकिशन पवार उपसंचालक, आरोग्य सेवा, पुणे मंडळ पुणे, डॉ. सचिन देसाई, जिल्हा आरोग्य अधिकारी, जिल्हा परिषद पुणे, डॉ. नागनाथ एमपल्ले, जिल्हा शल्य चिकित्सक, जिल्हा रुग्णालय औंध, डॉ. दिपक साळुंके सहाय्यक संचालक, कुष्ठरोग, डॉ. काळकुटे वैद्यकीय अधिकारी, क्षयरोग पुणे यांच्यासह सार्वजनिक आरोग्य व कुटुंब कल्याण, पाणीपुरवठा व स्वच्छता, ऊर्जा, महिला बाल विकास, सार्वजनिक बांधकाम अंतर्गत असलेले विभाग प्रमुख उपस्थित होते.
या सध्याच्या काळातील अचानक उद्भवलेल्या परिस्थिती मध्ये आरोग्य विभागाची महत्वपूर्ण जबाबदारी विषयक विवेचन करून योग्य ती कार्यवाही तसेच सतर्कतेच्या सूचना दिल्या. नागरिकांचे आयुष्यमान भारत कार्ड १०० टक्के पूर्ण करणे सदर्भात मंत्री मेघनाताई बोर्डीकर यांनी सूचना दिल्या. पुणे जिल्ह्याने राबविलेल्या स्मार्ट प्राथमिक आरोग्य केंद्र प्रोजेक्टबाबत समाधान व्यक्त केले. ई-सुशुश्रुत कार्यक्रमाबाबत सखोल आढावा घेऊन प्रत्यक्षात येणाऱ्या अडचणी दूर करणे बाबत मार्गदर्शन केले. व १०० टक्के रुग्ण नोंद ई-सुशुश्रुत प्रणालीद्वारे पूर्ण करणे बाबत सूचना दिल्या. पुढील महिन्यात येणाऱ्या पालखी सोहळ्याचाही सूक्ष्म कृती आराखड्यानुसार सखोल आढावा घेऊन पालखी सोहळ्यात चांगल्या पद्धतीने आरोग्य सेवा उपलब्ध करण्याबाबत मार्गदर्शन केले.
डिजिटल इंडिया मिशन अंतर्गत AI सारख्या नाविन्यपूर्ण व आधुनिक तंत्रज्ञानाचा जास्तीत जास्त वापर करून कॉलिटी सर्विसेस देण्याचा सर्वांनीच प्रामाणिक प्रयत्न करावा असे आवाहन मेघनाताई बोर्डीकर राज्यमंत्री,सार्वजनिक आरोग्य व कुटुंब कल्याण, पाणीपुरवठा व स्वच्छता, ऊर्जा, महिला बाल विकास, सार्वजनिक बांधकाम (सार्वजनिक उपक्रम) यांनी केले .
