लोणी काळभोर – जगद्गुरु संत तुकाराम महाराज पालखी सोहळ्याच्या स्वागतासाठी पालखीतळावर सर्व विभाग सज्ज असल्याची माहिती हवेलीच्या अप्पर तहसीलदार तृप्ती कोलते यांनी दिली .
जगद्गुरु संत तुकाराम महाराज यांच्या पालखी सोहळा ग्रामीण भागातील पहिल्या( दिनांक २२ जुन ) मुक्कामासाठी लोणी काळभोर कदमवाकवस्ती येथील पालखी तळावर पालखी येत आहे . त्यासाठी दोन्ही ग्रामपंचायती दिवस ,रात्र कष्ट घेत असुन महसूल विभाग ,पोलीस यंत्रणा ,आरोग्य विभाग ,महावितरण विभाग ,गँस एजन्सी विभाग असे अनेक विभाग पालखीच्या स्वागतासाठी तयार असल्याचे अप्पर तहसीलदार तृप्ती कोलते यांनी सांगितले .
लोणी काळभोर कदमवाकवस्ती यांच्या वतीने युद्ध पातळीवर काम सुरू असून कुठल्याही परिस्थितीत वारकऱ्यांना त्रास होणार नाही याची दक्षता घेतली जाणार आहे. मोठे मोठे तंबू उभारण्याचे काम चालू असुन वारकऱ्यांना पाऊस लागु नये म्हणून काळजी घेतली जाणार आहे .
मुक्कामाच्या ठिकाणी पालखी सोहळा कालावधीत वारकऱ्यांसाठी मोफत वैद्यकिय सुविधा २४ तास उपलब्ध करुन देण्यात येणार असून पालखी मुक्काम, विसावा, स्वागत कक्ष आणि पालखी मार्गावर योग्य त्या ठिकाणी सी.सी.टि.व्ही कॅमेरे बसविण्यात येणार आहेत. तसेच सुरक्षेच्या दृष्टीने ड्रोन कॅमेऱ्यांची व्यवस्थाही करण्यात येणार आहे. सोयीसुविधांचे नियोजन करण्यात आले आहे . ठिक ठिकाणी दिशादर्शक फलक दर्शनी भागात लावण्यात येणार आहेत.
पिण्याचे पाणी, तातडीच्या वैद्यकीय सुविधेसाठी रुग्णवाहिका तसेच पालखी मुक्काम, वारकरी निवास आणि पालखी मार्गावर पुरेशा प्रमाणात फिरते शौचालयांची व्यवस्था करण्यात येणार आहे. वारक-यांकरिता पुरविण्यात येणा-या सुविधां संदर्भातील फलक लावण्यात येणार असल्याचे लोणी काळभोरचे सरपंच भरत काळभोर यांनी सांगितले .
लोणी काळभोर पोलीस ठाण्याचे वरिष्ठ पोलीस निरीक्षक राजेंद्र पन्हाळे यांनी सांगितले की अतिरिक्त पोलीस आयुक्त मनोज पाटील यांच्या देखरेखीखाली पालखी सोबत , २ पोलीस उपायुक्त ,२सहाय्यक पोलीस आयुक्त ,९सहाय्यक पोलीस निरीक्षक ,२८ पोलीस उपनिरीक्षक ,२८१ अंमलदार असणार आहेत .चार ठिकाणी वाँच पाँइट उभारण्यात आले आहेत. त्यामध्ये लोणी स्टेशन ,पालखी तळ ,थेऊर फाटा ,कुंजीरवाडी येथे हे वाँच पाँइट असणार आहेत. या व्यतिरिक्त वाहतूक शाखेचे पोलीस पालखी साठी मार्ग सोयीस्कर करून देणार आहेत.
यावेळी अप्पर तहसीलदार तृप्ती कोलते , लोणी काळभोरचे वरिष्ठ पोलीस निरीक्षक राजेंद्र पन्हाळे ,लोणी काळभोरचे सरपंच भरत काळभोर, कदमवस्तीचे माजी सरपंच चित्तरंजन गायकवाड ,उपसरपंच नासीर पठाण , गणेश कांबळे ,ग्रामपंचायत सदस्य अविनाश बडदे, नागेश काळभोर,तंटामुक्तीचे अध्यक्ष अभिजीत बडदे ,सोसायटीचे सदस्य रमेश भोसले ,पोलीस पाटील दादा पाटील , पोलीस पाटील प्रियंका भिसे , ग्रामसेवक अमोल गुळवे ,
