उरुळी कांचन – अण्णासाहेब पाटील आर्थिक मागास विकास महामंडळ योजनेअंतर्गत जास्तीत जास्त तरुणांनी व्यवसायामध्ये उतरावे व योजनेचा लाभ घेऊन व्याजाचा परतावा घ्यावा. तरुणांनी रोजगार तयार करुन समाजाला पुढे न्यावे. तरुणांनी व्यवसायात उतरण्यासाठी सकारात्मक विचार करुन धाडस केले पाहिजे हा मुख्य उद्देश लोकमंगल समूहाचे सर्वेसर्वा व लोकमंगल बँकेचे संस्थापक आमदार सुभाष देशमुख यांचा असल्याचे मत लोकमंगल नागरी सहकारी पतसंस्थेचे संचालक शिवाजी माळी यांनी व्यक्त केले. लोकमंगल बँक लोकमंगल को ऑफ बॅंक लि. सोलापूर शाखा हडपसर यांच्या वतीने उरुळी कांचन पतसंस्थेच्या कार्यालयात अण्णासाहेब पाटील आर्थिक मागास विकास महामंडळ योजने अंतर्गत पर्यटक योजने अंतर्गत, वाहन कर्ज, इतर कर्ज शून्य टक्के व्याज दराने लोकमंगल बँकेच्या माध्यमातून कर्ज वाटप करण्यात येणार असल्याची माहिती मार्गदर्शन संवाद बैठक सभासद तसेच खातेदार यांच्यासाठी आयोजित करण्यात आली होती. याप्रसंगी सोलापूर मुख्य शाखेतील सुदन सुरवसे, लोकमंगल बँक हडपसर शाखेचे शाखाधिकारी अंकुश गायकवाड, लोण विभागाचे कृणाल खरोटे, पुणे विभागीय अधिकारी कमलाकर पाटील, उरुळी कांचन शाखेचे शाखाधिकारी अभिजीत साखरे, लोणी काळभोर शाखेचे शाखाधिकारी मारुती चौगुले, सल्लागार अक्षदा कांचन, नंदकुमार मुरकुटे, रविकांत यादव, सविता कांचन, कर्मचारी मयुरी बोडके, मृणाल कांचन, सोनाली वाले, अनिकेत जगताप, सुनिल तुपे, गजानन जगताप, अनिरुद्ध मराठे, भाऊ जाधव ,अविनाश विभुते आदी बांधव मोठ्या संख्येने उपस्थित होते. प्रास्ताविकामध्ये अंकुश गायकवाड यांनी सविस्तर माहिती दिली. सूत्रसंचालन कुणाल खरोटे यांनी तर आभार अमोल भोसले यांनी मानले.
