काढायला गेले५००कि मिळत होते अडीच हजार रुपये
लोणी काळभोर येथील ॲक्सिस बँकेच्या एटीएम मधील प्रकार
पैसै परत करण्याचे आवाहन
लोणी काळभोर प्रतिनिधी – लोणी काळभोर येथील ॲक्सिस बँकेच्या एटीएम मधून आज सायंकाळी पाच वाजल्यापासून पाचशे रुपये काढायला गेले की अडीच हजार रुपये येत असल्याचा प्रकार उघडीस आला . ग्राहकांना ही माहिती मिळाल्यानंतर एटीएम मध्ये पैसे काढण्यासाठी एकच गर्दी झाली. सायंकाळी पाच वाजता एका ग्राहकांने पाचशे रुपये काढण्यासाठी गेला असता त्याने ५०० चा आकडा टाकल्याबरोबर पाचशेच्या पाच नोटा त्याला आल्या.
त्यामुळे ही घटना त्या ग्राहकाने आपल्या मित्रांना सांगितले. आणि लोणी काळभोर परिसरात ही घटना वाऱ्यासारखी पसरली .त्यामुळे एटीएम समोर एकच गर्दी झाली घटनेची माहिती पोलिसांना देण्यात आल्यानंतर पोलिसांनी ॲक्सिस बँकेच्या अधिकार्यांना ही माहिती दिली .त्यानंतर संध्याकाळी सव्वासात वाजता एटीएम बंद करण्यात आले. याबाबत पैसे भरण्याचे कॉन्ट्रॅक्ट सी एम एस या कंपनीला दिले असून त्यांचे ब्रांच मॅनेजर प्रशांत राऊत यांनी तांत्रिक चुकीमुळे ही घटना घडली असून एक लाख १३ हजार रुपये ग्राहकांकडे जास्त गेल्याचे सांगितले. आता पैसे परत देण्यासाठी ग्राहकांना विनंती केल्याचे मँनेजर यांनी सांगितले .
चार वर्षांपूर्वी शेवाळेवाडी येथे दिवाळी सण जवळ असताना असाच प्रकार घडला होता .
