दोन्ही भाऊ हवेलीतील मोठ्या संस्थेवर चेअरमन व सभापती असण्याचा दुर्मिळ योग
लोणी काळभोर प्रतिनिधी – पुणे जिल्ह्यातील सर्वात सुजलाम सुफलाम तालुका म्हणून हवेली तालुका ओळखला जातो . आणि त्याच तालुक्यातील दोन मोठ्या संस्थेवर चेअरमन व सभापती होण्याचा दुर्मिळ योग जगताप बंधूंनी साधला असून त्यांच्या या यशाचे कौतुक महाराष्ट्रातन होत आहे . आशिया खंडातील सर्वात मोठी असलेल्या हवेली कृषी उत्पन्न बाजार समितीच्या सभापतिपदी प्रकाश चंद्रकांत जगताप यांची बिनविरोध निवड झाली असुन त्यांचे बंधू सुभाष जगताप हे थेऊर येथील यशवंत सहकारी साखर कारखान्याचे चेअरमन आहेत त्यामुळे हवेली तालुक्यातील सहकार क्षेत्रातील या दोन मोठ्या संस्थेवर सख्ख्या भावांना पदाधिकारी होण्याचा मान मिळाला आहे. सहकार उपजिल्हा निबंधक प्रकाश जगताप यांच्या मार्गदर्शनाखाली ही निवडणूक प्रक्रिया पार पडली. कृषी बाजार समितीच्या सभागृहात ही निवडणूक प्रक्रिया पार पडली.
या निवडणूक प्रक्रियेत सभापतिपदासाठी प्रकाश जगताप यांचा एकमेव अर्ज आल्याने ही निवडणूक बिनविरोध झाली. पुणे कृषी उत्पन्न बाजार समितीचे मावळते सभापती दिलीप काळभोर यांनी नुकताच सभापतिपदाचा राजीनामा दिल्यानंतर तालुक्यातून सभापतिपदासाठी कोणाची वर्णी लागणार या संदर्भात हवेली तालुक्यात जोरदार चर्चा चालू होती. सभापतिपदासाठी केवळ प्रकाश जगताप यांचा एकमेव अर्ज दाखल झाल्याने त्यांची बिनविरोध निवड झाली आहे. मावळते सभापती दिलीप काळभोर यांनी राजीनामा दिल्यानंतर ही निवडणूक घेण्यात आली.
