पुणे सोलापूर महामार्गावरील परिस्थिती
लोणी काळभोर प्रतिनिधी – पुणे-सोलापूर महामार्गावर कदमवाकवस्ती येथे हिंदुस्तान पेट्रोलियम कार्पोरेशनचे टर्मिनल असून त्यातील टँकर सेवा रस्त्यावर लावल्यामुळे जाणाऱ्या येणाऱ्या दुचाकी व चार चाकी वाहनांना अडथळा होत आहे .
सेवा रस्ता म्हणजे पार्किंगची सोय असल्याच्या अविर्भावात खुशाल टँकर चालक टँकर लावून निवांत होताना दिसत आहे .एच पी गेटच्या समोरील सेवा रस्त्यावर टँकर चालकाने टँकर लावलेल्या शेजारी खड्डा असल्यामुळे दुचाकीस्वार टँकर पर्यंत येऊन माघारी जात होते .
हिंदुस्तान पेट्रोलियमच्या अधिकाऱ्यांकडून दुर्लक्ष
त्यामुळे महामार्गावर वाहतुकीचा ताण येत असुन सतत वाहतूक कोंडी होत आहे . यावर प्रशासनाचा कसल्याही प्रकारचा अंकुश राहिला नसल्याचे दिसून येत आहे . कारणाने अपघातात वाढच होत आहे.कदमवाकवस्ती येथील सेवा रस्ता तर हिंदुस्थान पेट्रोलियम टर्मिनल साठीच बनवला आहे का ? असे नागरिक बोलून दाखवतात .येथे नागरिकांच्या साठी सेवा रस्ता नसुन टँकरवाल्यांनसाठी मेवा रस्ता असल्याचे दिसून येत आहे .टर्मिनलचे अधिकारी आमचाच सेवा रस्ता असल्याच्या आर्विभावात वागत आहे .त्यामुळे नागरिकांच्या मनात चीड निर्माण झाली आहे .
पोलिसांच्या कडक भुमिकेची आवश्यकता
पोलिसांनी कडक भुमिका घेऊन हा सेवा रस्ता मोकळा केला पाहिजे . पुर्वी हा भाग ग्रामीण पोलीस मध्ये असताना कडक कारवाई होत असत परंतु आता पुणे शहर पोलीस तशी कारवाई करत नाही .
